News
Լրահոս
News
Հինգշաբթի
Դեկտեմբեր 01
USD
395.53
EUR
393.43
RUB
6.42
Տեսնել լրահոսը

Ես ԵՄ-ի Հարավային Կովկասի եւ Վրաստանում ճգնաժամի գծով հատուկ ներկայացուցիչ Տոյվո Կլաարին խնդրել էի տեսանյութեր տրամադրել, որոնց մասին նա գրել է, եւ որոնք, ինչպես հայտարարվում է, կարող են վկայել ադրբեջանցի գերիների խոշտանգումների կամ մարմիններն անարգելու մասին։ Այս մասին հոկտեմբերի 7-ի մամուլի ասուլիսում ասել է Հայաստանի մարդու իրավունքների պաշտպան Քրիստիննե Գրիգորյանը։

«Կլաարը խոստացել է տրամադրել տեսանյութերը, բայց մինչեւ հիմա չի ուղարկել»,- ավելացրել է նա։

Հիշեցնենք, որ հոկտեմբերի 2-ին, Հայաստանի եւ Ադրբեջանի արտաքին գործերի նախարարների հանդիպման օրը, Telegram-ալիքներում տարածվել էր տեսանյութ՝ ադրբեջանցի զինծառայողների կողմից անզեն հայ գերիների գնդակահարման կադրերով։

«Եթե ապացուցվի, որ տեսանյութն իսկական է, ապա սա ռազմական հանցագործություն է, որը պետք է հետաքննվի, իսկ մեղավորները՝ պատժվեն»,- գրել է ԵՄ-ի Հարավային Կովկասի եւ Վրաստանում ճգնաժամի գծով հատուկ ներկայացուցիչ Տոյվո Կլաարը՝ մեկնաբանելով տեսանյութը։

Հայաստանի մարդու իրավունքների պաշտպանի գրասենյակում տեղեկացրել են, որ միջադեպը տեղի է ունեցել այս տարվա սեպտեմբերի 13-ին, լայնամասշտաբ հարձակման ընթացքում, որը սանձազերծել էին ադրբեջանական զինված ուժերը Հայաստանի ինքնիշխան տարածքի դեմ։

Հաջորդ օրը Տոյվո Կլաարը տեղեկացրել էր, որ իրեն մի քանի տեսանյութեր են ուղարկել, որոնցում, ինչպես ասել է նա, ամենայն հավանականությամբ, ցուցադրված են ռազմական հանցագործություններ ադրբեջանցիների դեմ։ «Դրանք պետք է հետաքննվեն, իսկ իրական հանցագործները՝ պատասխանատվության ենթարկվեն։ Կոնֆլիկտը խոր վերքեր է թողել երկու կողմերում, իսկ ապաքինումը պատասխանատվություն է պահանջում»,- գրել էր Կլաարն այն ժամանակ։

Քրիստիննե Գրիգորյանը նշել է, որ Ադրբեջանն իր հերթական ագրեսիայի ժամանակ մշտապես տեղեկացնում է հայկական կողմից հանցագործությունների ինչ-որ ապացույցների մասին։

«Հատկանշական է, որ հայ գերիների գնդակահարության մասին Ադրբեջանն ինքն է սկսել հանդես գալ մեղադրանքներով՝ խոսելով ինչ-որ սադրիչների մասին։ Ադրբեջանցիների մեկնաբանությունները սոցցանցերում անզեն հայ գերիներին գնդակահարած զինվորականներին պարգեւատրելու անհրաժեշտության մասին եվրոպացի պաշտոնյաներին մտածել է տալիս, որ խոսքը ռազմական հանցագործությունները գովաբանելու մասին է։

Ադրբեջանը մինչեւ այժմ պարզաբանումներ չի տվել ՄԱԿ-ին կրթական հաստատություններում հայատյացության իր քաղաքականության մասին։

Ավելին, Ադրբեջանում ռազմական հանցագործության մեջ մեղադրվող անձինք ծայրահեղ դեպքում երկամսյա տնային կալանք են ստանում։ Սա անպատժելիության դրսեւորում է։ Ադրբեջանը խրախուսում է այդ հանցագործությունները, ինչով էլ բացատրվում են ռազմական հանցագործությունների նկարահանումները, որոնք կատարում են ադրբեջանական հատուկ ստորաբաժանումները։ Այս մասին է վկայում նաեւ այն, որ ավելի վաղ ռազմական հանցագործությունների համար ձերբակալված անձը պարգեւատրվել է եւ վեր բարձրացել կարիերայի սանդղակով»,- ընդգծել է Քրիստիննե Գրիգորյանը։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Կովկասյան բանակցությունների գծով դեսպան Ֆիլիպ Ռիքերը այցելել է Երևան
Դեկտեմբերի 1-4 այցի ընթացքում դեսպան Ռիքերը կհանդիպի պետական...
Ղարիբաշվիլին եւ Ռիկերը քննարկել են Վրաստանի մոդերատորական դերը հայ-ադրբեջանական երկխոսությունում
Նշվել է ռազմավարական գործընկերության դրական դինամիկայի մասին, ինչը պայմանավրրված է երկու երկրների համագործակցության․․․
«Հայաստան-Ադրբեջան հակամարտության կարգավորումը հրամայական է». ՀՀ-ում ԱՄՆ դեսպանի թեկնածու
Քվինը խոստացել է իր թեկնածության հաստատման դեպքում սերտորեն աշխատել այդ հանձնաժողովի և Կոնգրեսի բոլոր անդամների հետ Հայաստանում Միացյալ...
«Առանց պատասխանատվության արդարություն չկա». ԱՄՆ Սենատում պահանջել են պատասխանատվության ենթարկել Ադրբեջանին
ԱՄՆ Սենատի արտաքին հարաբերությունների հարցերով հանձնաժողովում տեղի են ունեցել Հայաստանում ԱՄՆ դեսպանի հաստատման լսումները, որոնց ժամանակ...
Ֆրանսիայի կառավարությունը կարծում է, որ Հայաստանին աջակցող բանաձեւը «չի արտացոլում պաշտոնական դիրքորոշումը»
Հիշեցնենք, որ բանաձեւն ավելի վաղ ընդունել է Ֆրանսիայի Սենատը, իսկ նախօրեին՝ Ֆրանսիայի Ազգային ասամբլեան․․․
Ադրբեջանի ԱԳՆ-ն զայրացել է. Ֆրանսիայի Ազգային ասամբլեայի բանաձեւը «լի է Ադրբեջանի դեմ կեղծիքով եւ զրպարտությամբ»
Ադրբեջանի ԱԳՆ-ն ցասման մեջ է...
Ամենաշատ