Զատկի կղզու հայտնի քարե արձանները եւ այլ հնագիտական գտածոներ այրվել են հրդեհի ժամանակ։ Հրդեհը, որը բռնկվել է մոտակայքում գտնվող Ռանո Ռարակու հրաբխի պատճառով, սկսվել է երկուշաբթի օրը եւ ոչնչացրել կղզու ավելի քան 100 հեկտար տարածք՝ վնասելով տեղի հանրահայտ քարե արձանները, որոնք հայտնի են որպես Մոայ եւ ստեղծվել են պոլինեզական ցեղի կողմից՝ ավելի քան 500 տարի առաջ, հայտնում է CNN-ը:
Մաու Հենուայի տեղական համայնքի տնօրեն Արիկի Տեպանոն, որը կառավարում է Ռապա Նուի բնական պարկը, վնասը կոչել է «անուղղելի»։
Ռապա Նուի ազգային պարկը պահպանվող տարածք է, որը ցուցադրում է Ռապա Նուի մշակույթի ժառանգությունը:
ՅՈՒՆԵՍԿՕ-ի համաշխարհային ժառանգության օբյեկտը գտնվում է Չիլիի ափից մոտ 3500 կմ հեռավորության վրա եւ հանդիսանում է մոլորակի ամենահեռավոր բնակեցված կղզին: Այն գրավում է զբոսաշրջիկների ամբողջ աշխարհից՝ առաջին հերթին Մոայի հսկա հուշարձանների շնորհիվ: