Տաջիկստանը հայտնել է սեպտեմբերին Ղրղզըստանի հետ հակամարտության սրման հետեւանքով 59 զոհի մասին։ Նման տվյալներ է ներկայացրել Տաջիկստանի փոխարտգործնախարար Սոդիկ Իմոմին, փոխանցում է ՏԱՍՍ-ը։
Նշվում է, որ Իմոմին ՀԱՊԿ անդամ երկրներին, որի մեջ է մտնում Ղրղըզստանը, մանրամասն տեղեկատվություն է տրամադրել «Տաջիկստանի դեմ Բիշքեկի նախապես ծրագրված ռազմական ագրեսիայի հետեւանքների մասին»։
Եվս 234 քաղաքացի ծանր վիրավորվել է։ Բացի այդ, ոչնչացվել են 296 քաղաքացիական ենթակառուցվածքներ, այդ թվում՝ երեք դպրոց եւ երկու հիվանդանոց:
