Իսպանիայի պաշտպանության նախարար Մարգարիտա Ռոբլեսը Սարագոսայի ավիաբազա կատարած այցի ժամանակ հաստատել է, որ մոտ ժամանակներս Ուկրաինային կփոխանցվի միջին հեռահարության Spada-2000 հակաօդային պաշտպանության համակարգեր, որոնք Aspide-2000 զենիթահրթիռային կառավարվող հրթիռ է օգտագործում, հաղորդում է Infodefensa.com-ը։

Իսպանիան 1997-1999 թթ. օդային բազաների պաշտպանության համար երկու Spada-2000 համալիր է ստացել, ընդհանուր առմամբ՝ 4 հատ վեց կոնտեյներային արձակման սարքեր եւ 51 զենիթային հրթիռներ։

Այժմ Սարագոսայում այս համալիրների վրա վերապատրաստվում է երկու շաբաթ առաջ ժամանած ուկրաինացի 19 զինծառայողներից բաղկացած առաջին խումբը, ծրագիրը նախատեսված է մինչեւ հոկտեմբերի 14-ը։ Ուկրաինայի զինված ուժերի երկրորդ խումբը պետք է ժամանի նոյեմբերի 1-ին։