News
Լրահոս
News
Երեքշաբթի
Մայիս 21
Տեսնել լրահոսը

Լոնդոնի մետաղների բորսան (LME) կարող է պատժամիջոցներ սահմանել ռուսական լեռնահանքային ոլորտի դեմ, ինչը կցնցի արդյունաբերությունն ամբողջ աշխարհում։ Այս մասին գրում է Bloomberg-ի տեսաբան Ջեք Ֆարչին։

«LME-ի որոշումները հեռուն գնացող հետեւանքներ ունեն աշխահում մետաղների գնագոյացման եւ առեւտրի վրա»,- նշել է Ֆարչին:

Նրա խոսքով, եթե նման միջոցներ ձեռնարկվեն, ապա դրանք խնդիր կդառնան այնպիսի ընկերությունների համար, ինչպիսին է շվեյցարական Glencore Plc.-ը, որը համագործակցում է «Ռուսալ»-ի հետ։ Բացի այդ, մատակարարումների արգելքը կարող է շուկայից կտրել ռեսուրսի հիմնական արտադրողներին։ Թեեւ այս հարցով դեռ որոշում չի կայացվել, սակայն քննարկումն արդեն սկսվել է։

Գործակալությունը հաշվարկել է, որ Ռուսաստանին բաժին է ընկնում նիկելի համաշխարհային պաշարների 9 տոկոսը, ալյումինի պաշարների 5 տոկոսը եւ պղնձի պաշարների 4 տոկոսը: Միաժամանակ, ռուսական արդյունաբերության դեմ LME-ի կողմից հնարավոր պատժամիջոցների մասին առաջին հաղորդումներից հետո ալյումինի գները կտրուկ բարձրացել են 8,5 տոկոսով։

Հոկտեմբերի սկզբին Ժամանակակից զարգացման ինստիտուտի «Ֆինանսներ եւ տնտեսություն» ուղղության ղեկավար Նիկիտա Մասլեննիկովը հայտարարել է, որ Եվրոպան ինքնուրույն ընկնում է խորը տնտեսական ճգնաժամի մեջ, որը նա ստեղծել է Ռուսաստանի դեմ իր պատժամիջոցներով։ Նրա խոսքով, առաջիկա մի քանի շաբաթվա ընթացքում գործարարների կողմից կարող են հայտարարություններ լինել, որ պատժամիջոցներից հետո արդեն նշաններ կան, որ 2023 թվականին համաշխարհային տնտեսությունն էլ ավելի կընկղմվի ճգնաժամի մեջ։

!
Այս նյութը հասանելի է նաև   Русский
Տպել
Ամենաշատ