Տեխասում 49-ամյա Բիլի Չեմիրմիրը դատապարտվել է ցմահ ազատազրկման՝ առանց պայմանական վաղաժամկետ ազատման իրավունքի՝ երկու տարեց կանանց սպանելու եւ նրանց թանկարժեք իրերը գողանալու համար, նա կասկածվում է 20 նման հանցագործությունների մեջ, հայտնում է NBC News-ը։
ԱՄՆ Դալլաս քաղաքում տղամարդը մեղավոր է ճանաչվել 87-ամյա Մերի Բրուքսի սպանության համար։ Նա նախկինում մեղավոր է ճանաչվել 81-ամյա Լյութի Հարիսի մահվան համար։ Բացի այդ, նրան մեղավոր են համարում 20 տարեց կանանց մահվան համար։ Ըստ հետաքննության վարկածի՝ տղամարդը երկու տարի շարունակ որսացել է թոշակառուների, սպանել նրանց ու վերցրել թանկարժեք իրերը։
Նրա զոհերից մեկին հաջողվել է ողջ մնալ։ 91-ամյա տուժողը պատմել է, որ անհայտ անձը հետեւել է իրեն մինչեւ տուն, մտել է իր բնակարան, բարձով փորձել խեղդել իրեն, ապա տարել է իր զարդերը։ Բիլլի Չեմիրմիրի ձերբակալությունից հետո ոստիկանությունը վերանայել է այն դեպքերը, երբ զավակները հայտնել են իրենց մահացած ծնողների զարդերի կորստի մասին։ Ենթադրվում է, որ տղամարդը 22 անգամ գործել է այդ սխեմայով։
