Ֆրանսիայի նախագահ Էմանուել Մակրոնը քննադատել է Ջո Բայդենի` «միջուկային Արմագեդոնի» վերաբերյալ մեկնաբանությունները։
«Պուտինը չէր կատակում, երբ խոսում էր մարտավարական միջուկային զենքի, կենսաբանական կամ քիմիական զենքի օգտագործման մասին։ Մենք Քենեդու եւ Կուբայի հրթիռային ճգնաժամից հետո միջուկային Արմագեդոնի հեռանկարի հետ չենք առերեսվել», - ավելի վաղ ասել էր Բայդենը:
Մեկնաբանելով Բայդենի խոսքերը՝ Ֆրանսիայի նախագահը նշել է, որ «նման հարցերը մեկնաբանելիս պետք է զգուշությամբ խոսել»։ Նրա խոսքով՝ Ուկրաինայում պատերազմի կարգավորումը պետք է ներառի «դեէսկալացիա» եւ «Ուկրաինայի ղեկավարների ու ժողովրդի համար ընդունելի լուծում լինի», հայտնում է France 24-ը։
