Շոտլանդիայի առաջին նախարար Նիկոլա Սթերջենը վստահ է, որ Շոտլանդիայի անկախության հարցով երկրորդ հանրաքվեն կարող է անցկացվել հաջորդ հոկտեմբերին, հայտնում է Reuters լրատվական գործակալությունը։
Երեքշաբթի Միացյալ Թագավորության Գերագույն դատարանը կսկսի լսումներ՝ առանց Մեծ Բրիտանիայի վարչապետ Լիզ Թրասի եւ իր կառավարության հավանության, որպեսզի թույլատրի անջատվելու վերաբերյալ քվեարկությունը:
2014 թվականին բրիտանական կառավարության կողմից հաստատված հանրաքվեի ժամանակ շոտլանդացիների մինչեւ 55 տոկոսը դեմ է քվեարկել անկախանալուն։ Այնուամենայնիվ, Շոտլանդիայի ազգային կուսակցությունը պնդում է, որ երկու տարի անց ՄԲ-ի Եվրամիությունից դուրս գալը փոխել է խաղի ընթացքը:
Սթերջենը պնդում է, որ քանի որ ընտրողները անցյալ տարվա Շոտլանդիայի խորհրդարանի ընտրություններում աջակցել են անկախության կողմնակից կուսակցություններին, նրանք մանդատ ունեն 2023 թվականի հոկտեմբերի 19-ին հանրաքվե անցկացնելու մասին օրինագիծ առաջ քաշելու:
Հարցին, արդյոք նա վստահ է, որ դա տեղի կունենա, Սթարջենը պատասխանել է. «Այո, ես վստահ եմ, որ դա կարող է տեղի ունենալ: Սպասենք, տեսնենք, թե ինչ կասի դատարանը։ Ես վստահ եմ, որ Շոտլանդիան անկախանալու է»:
