Իրանը կոչ է անում միջազգային հանրությանը ճնշում գործադրել Իսրայելի վրա, որպեսզի նա միանա Միջուկային զենքի չտարածման պայմանագրին (ՄԶՉՊ)՝ որպես միջուկային զենք չունեցող կողմ: Այս մասին հայտարարել է ՄԱԿ-ում Իրանի ներկայացուցիչ Հեյդար Ալի Բալուջին՝ ելույթ ունենալով Նյու Յորքում զինաթափման եւ միջազգային անվտանգության կոմիտեի 77-րդ նիստում։
Նախանշելով Իրանի սկզբունքային դիրքորոշումը զինաթափման եւ միջազգային անվտանգության հարցում՝ նա նշել է, որ անվտանգության նոր եւ ոչ ավանդական սպառնալիքները խաթարել են խաղաղությունը եւ վատթարացրել անվտանգության իրավիճակն աշխարհում։ Նրա խոսքով, միջուկային սպառազինությունների մրցավազքին զուգահեռ լարվածության աճը կարող է հանգեցնել աշխարհում սառը, եւ նույնիսկ միջուկային պատերազմի, հաղորդում է Press TV-ն։
Բալուջին ուշադրություն է հրավիրել ռազմական ծախսերի աճի եւ 2021 թվականին ռազմական ծախսերի ռեկորդային բարձր մակարդակի վրա՝ ասելով, որ ԱՄՆ-ն ունի ամենաբարձր ռազմական ծախսերը եւ միջուկային զենքը՝ համեմատած այլ երկրների հետ:
Նա նշել է, որ միջուկային տերությունների պարտադիր իրավաբանական պարտավորությունների կատարումը Միջուկային զենքի չտարածման մասին պայմանագրի 6-րդ հոդվածի համաձայն չի իրականացվել՝ միջուկային զենքի վերահսկման միջազգային պայմանագրերի ձախողման եւ ՄԶՉՊ գործողությունների ժամկետըի քննարկման երկու հաջորդական համաժաղավների չկայացման պատճառով։ Նա նախազգուշացրել է, որ միջուկային տեչությունները մեծացնում են իրենց զինանոցները։
Իրանցի բանագնացի խոսքով՝ սպառազինությունների վերահսկման ճարտարապետության էրոզիայից բացի, միջուկային զենք ունեցող պետությունների կողմից ՄԶՉՊ-ն չի կատարվել՝ ընդգծելով, որ միջազգային հանրությունը պետք է պատասխանատվության ենթարկի նրանց:
Բալուջին հավելել է, որ Իսրայելն ունի զանգվածային ոչնչացման զենք, նա նաեւ կիբերհարձակումներ եւ ֆիզիկական հարձակումներ է իրականացրել միջուկային օբյեկտների վրա, սպանել է գիտնականների։
Նա նշել է, որ Իսրայելը խոչընդոտել է միջուկային զինաթափմանը տարածաշրջանում՝ կոչ անելով միջազգային հանրությանը ճնշում գործադրել երկրի վրա, որպեսզի նա միանա ՄԶՉՊ-ին՝ որպես միջուկային զենք չունեցող կողմ եւ համաձայնի ԱԷՄԳ-ի վերահսկողությանը:
«Մենք կարծում ենք, որ միջուկային զենքը զսպող միջոց չէ, այլ զանգվածային սպանությունների գործիք»,- ասել է նա։
Իրանցի դիվանագետը բացատրել է, որ միջուկային զինաթափումը ամբողջական վերացման միջոցով կարող է լինել պարզ լուծում՝ հավելելով, որ պետք է հրաժարվել քիմիական կամ կենսաբանական զենքի կիրառումից, եւ այդ կապակցությամբ բոլոր կոնվենցիաները պետք է իրականացվեն։