Իրանի հարավ-արեւելքում մի տղամարդ է ձերբակալվել՝ Իսրայելի օգտին լրտեսելու կասկածանքով։ Քերման նահանգի դատական դեպարտամենտի ղեկավար Հոջաթ ալ Իսլամ Էբրահիմ Համիդիի խոսքով՝ ԻՀՊԿ-ի հետախուզական ուժերը ձերբակալել են «Մոսադ»-ի օգտին լրտեսության մեջ կասկածվող տղամարդուն, գրում է Mehr-ը։
Նրա խոսքով՝ ինքը դիվերսիա է ծրագրել։ Ձերբակալվածը փորձել է կապեր հաստատել Իրանի հետախուզության պաշտոնյաների հետ՝ իր չարամիտ ծրագրերն իրականացնելու համար:
Նա հավելել է, որ կասկածյալը վերջերս մի քանի անգամ գործարարի անվան տակ այցելել է հարեւան երկրներ եւ ինտերնետի միջոցով կապվել է Իսրայելի ռեժիմի հետախուզական ծառայության հետ։
Կասկածյալը նաեւ ծրագրել էր հեռանալ Իրանից, որպեսզի հանդիպի «Մոսադ»-ի սպաների հետ, սակայն հեռանալուց առաջ ձերբակալվել է ԻՀՊԿ անվտանգության ծառայության կողմից:
