Իգդիրում անասնապահությամբ զբաղվող Մեհմեդ Ալիօղլուն Կարս նահանգի Արփաչայի շրջանում մոտեցել է հայ-թուրքական սահմանին եւ հայտնվել ականի վրա:
Թուրքական Posta-ի փոխանցմամբ` 48-ամյա Մեհմեդ Ալիօղլուն ոչխարները արածեցրել է Կարս նահանգի Արփաչայի շրջանում: Տեղացած անձրեւի հետեւանքով ոչխարները սկսել են փախչել դեպի Հայաստանի սահման: Մեհմմեդը փորձել է բռնել ոչխարներին եւ հայտնվել ականապատ տարածքում: Պայթյունի հետեւանքով Մեհմեդը վիրավորվել է եւ տեղափոխվել Կարսի հիվանդանոցներից մեկը:
