Թուրքիայի նախագահ Թայիփ Էրդողանը հայտարարել է, որ համաշխարհային անվտանգության համակարգը կրկին պետք է կառուցվի, նրա խոսքով՝ աշխարհն ավելին է, քան ՄԱԿ Անվտանգության խորհրդի հինգ մշտական անդամները, տեղեկացրել է «ՌԻԱ Նովոստի»-ն։
«Մենք կարծում ենք, որ գլոբալ անվտանգության ճարտարապետությունը պետք է նորից կառուցվի՝ նոր ըմբռնման հիման վրա, որն ավելի արդարացի եւ իրավահավասար կլինի»,- ասել է Էրդողանը Աստանայում ընթացող Ասիայում փոխգործակցության եւ վստահության միջոցների (ԱՓՎՄԽ) խորհրդակցությունում։
Նրա խոսքով՝ Թուրքիան վերջին տարիներին քանիցս հայտարարել է, որ աշխարհն ավելին է, քան ՄԱԿ Անվտանգության հինգ մշտական անդամները։
