Իրանն առաջարկում է ԵԱՏՄ-ում համագործակցության ամրապնդման համար ստեղծել էներգետիկ կոնսորցիում եւ ներդրումների ֆոնդ, ասել է Իրանի նավթի փոխնախարար Ահմադ Ասազադեն, տեղեկացրել է «ՌԻԱ Նովոստի»-ն։
«Եվրասիայում էներգետիկ ոլորտի կոոպերացիայի ամրապնդման համար անհրաժեշտ է ստեղծել ներդրումների համատեղ ֆոնդ։ Մենք կարող ենք նաեւ ստեղծել համատեղ էներգետիկ կոնսորցիում ինչպես պետական, այնպես էլ մասնավոր ընկերությունների մասնակցութամբ»,- ասել է նա Ռուսաստանի էներգետիկ շաբաթվա շրջանակում ունեցած ելույթում։
Ռուսական էներգետիկ շաբաթն ընթանում է Մոսկվայում, այն սկսվել է հոկտեմբերի 12-ին եւ տեւելու է մինչեւ հոկտեմբերի 14-ը։
