ՌԴ նախագահ Վլադիմիր Պուտինը մեծ հեռանկարներ է տեսնում Եվրասիայում տրանսպորտային միջանցքների զարգացման մեջ՝ կապված Ռուսաստանի կողմից իրականացվող արտահանման եւ ներմուծման վերակողմնորոշման հետ, գրում է ՏԱՍՍ-ը։
«Լուրջ հեռանկարներ է բացվում Ռուսաստանի կողմից իրականացվող արտահանման եւ ներմուծման վերակողմնորոշմամբ, ինչը խթանում է տրանսպորտային միջանցքների զարգացումը Մեծ Եվրասիայում»,-ասել է նա ԱՊՀ գագաթաժողովում։
«Ուստի առանցքային խնդիրը ԱՊՀ երկրների տարածքով անցնող անդրեվրասիական լոգիստիկ միջանցքների՝ Արեւելք-Արեւմուտք եւ Հյուսիս-Հարավ, կազմակերպումն է։ Կարծում եմ, որ դա հետաքրքրում է ոչ միայն Ռուսաստանին, այլ մեր բոլոր հարեւաններին, այն մեծացնում է տրանսպորտային հնարավորություններն ու տնտեսական օգուտները»,-ասել է Պուտինը։
Ռուսաստանի Դաշնության նախագահը գոհ է, որ ընթացիկ գագաթաժողովի ավարտին հաստատման համար «պատրաստվել են մի շարք կարեւոր համատեղ փաստաթղթեր եւ որոշումներ, որոնք ուղղված են տարբեր ոլորտներում ինտեգրացիայի խորացմանը»։ Նրա կարծիքով՝ «դրանք բոլորը համահունչ են ԱՊՀ-ի հետագա զարգացման հայեցակարգի իրականացմանը, ԱՊՀ-ի տնտեսական զարգացման ռազմավարությանը մինչեւ 2023 թվականը:
