News
Լրահոս
News
Հինգշաբթի
Մարտ 28
Տեսնել լրահոսը

Շուրջ 38 կմ երկարությամբ սահմանագիծ, հակառակորդի տեսադաշտում որպես կենդանի վահան ապրող, բայց հավատարիմ գործընկերների աջակցությամբ՝ ենթակառուցվածքներ զարգացնող գյուղ է Կոթին: Տավուշի մարզի սահմանապահ Կոթիում տեխնոլոգիական արդի լուծումներով հերթական ծրագիրն է մեկնարկել: Մինչև տարեվերջ գյուղում կավելանա LED լուսարձակներով լուսավորված փողոցների թիվը:

Մարզերում նոր տեխնոլոգիաների ներդրումը խթանող գործընկերները՝ Վիվա-ՄՏՍ-ն ու Վայրի բնության և մշակութային արժեքների պահպանման հիմնադրամը (FPWC), արդեն չորս տարի կոթեցիների կողքին են՝ երիտասարդ սերնդի վաղվա օրն ավելի լավը դարձնելու տեսլականով: 2019 թվականին, նոր տեխնոլոգիաների կիրառմամբ, լուսավորվել է 1600 մ, 2020-ին՝ 1450 մ իսկ 2021-ին՝ 550 մ ճանապարհահատված: Մինչև օրս լուսավորվել է 2600 մ ճանապարհահատված, տեղադրվել՝ 94 LED լուսարձակ:

Հերթական ծրագրի արդյունավետությունը բարձրացնելու նպատակով, համայնքը միացել է Էլեկտրական սյուների համար տեղորոշված հատվածները փորելու գործին: Ընթացող աշխատանքներն ուրախացրել են գյուղի վաղվա տերերին՝ երեխաներին: Բջջային հեռախոսից լիարժեք օգտվող, աշխարհի զարգացման մասին էկրաններից լսող ութամյա Ալենին զարմացնում ու մի փոքր էլ շփոթեցնում է լույսերի մեջ ողողված գիշերային մայրաքաղաքի և իր հայրենի Կոթիի համեմատությունը: Ընթացիկ տարվա ծրագրով, մինչև տարեվերջ տեղադրվելու է 53 LED լուսարձակ, լուսավորվելու է շուրջ 2 կմ երկարությամբ ճանապարհահատված, այդ թվում՝ դեպի գյուղի մարզադաշտ տանող փողոցը:

Վիվա-ՄՏՍ-ն ու Վայրի բնության և մշակութային արժեքների պահպանման հիմնադրամը (FPWC), Կոթիում արդեն գործարկվել է 17,5 կՎտժ դրվածքային հզորությամբ, արևային ֆոտովոլտային նոր կայանը, որի արտադրած էներգիան թույլ կտա առանց հավելյալ ծախսի, ապահովել խմելու ջրի պոմպի աշխատանքը: Նոր ֆոտովոլտային կայանը կապահովի տարածքին մոտ գտնվող 2 կմ փողոցի լուսավորության համակարգի սպառած էլեկտրաէներգիան։

«Խնայողությունները նկատելի են, ծրագիրն արդյունավետ է: Նոր տեխնոլոգիաների շնորհիվ՝ լուսավորությունը մեծ մակերես է վերցնում: Դա թույլ է տալիս տնտեսված միջոցներն ուղղել այլ խնդիրների լուծմանը: Այս ծրագիրը մեզ համար նաև ռազմավարական է: Մեր գյուղի բոլոր փողոցները հակառակորդի դիտակետից տեսանելի են: Դա հոգեբանական ազդեցություն է թողնում: Տեսնելով լուսավորված թաղամասեր՝ հակառակորդն իրեն զգոն է պահում: Սահմանին ապրող բնակչի համար սա կարևոր է»,- ասել է Կոթիի վարչական ղեկավար Անդրանիկ Հախվերդյանը:

Կոթիում գործող լուսավորության արդի համակարգի արդյունավետությունն իրեն կարդարացնի ոչ միայն միջոցների տնտեսման, այլև լույսի որակի առումով: Քառամյա ծրագրի արդյունքում, տարեվերջին գյուղում լուսավորված ճանապարհահատվածը կհասնի 5600 մետրի:

Որպես տեղեկատվական ու հեռահաղորդակցային ընկերություն, Վիվա-ՄՏՍ-ն աջակցում է համայնքներին՝ տեխնոլոգիական ու ծախսարդյունավետ ենթակառուցվածքային լուծումներ ներդնելով, բնապահպանական, էներգախնայող ժամանակակից տեխնոլոգիաներ կիրառելով, ինչը թույլ է տալիս սպառել 80%-ով պակաս էլեկտրաէներգիա՝ ապահովելով ավելի բարձր լուսատվություն:

2022 թվականին, Հայաստանի տարբեր համայնքներում ենթակառուցվածքների զարգացման համար, Վիվա-ՄՏՍ-ը ներդրել է ավելի քան 120 մլն. դրամ:

Տպել
Կարդացեք նաև
Ամբողջը
IoT լաբորատորիա` Հայաստանի ազգային պոլիտեխնիկական համալսարանում
Վիվա-ՄՏՍ-ի աջակցությամբ, ՏՀՏ գործատուների միության և Հայաստանի ազգային պոլիտեխնիկական համալսարանի (ՀԱՊՀ) համատեղ ջանքերով...
«START+»․«Kinodaran»՝ առանց բաժանորդագրության վճարի, 10 ԳԲ ինտերնետ, 1000 րոպե խոսելաժամանակ և անսահմանափակ հավելվածներ
«Kinodaran»-ը ֆիլմերի, սերիալների ու մուլտֆիլմերի  լայն ընտրանի առաջարկող առաջին հայկական սթրիմինգային հարթակն է...
Փոփոխություն Վիվա-ՄՏՍ-ի ֆիրմային անվանման մեջ և ծառայությունների մատուցման ընդհանուր պայմաններում
Ընկերության ապրանքանիշը /բրենդի անվանումը/` «Վիվա-ՄՏՍ»-ը, դեռևս մնում է անփոփոխ...
Մարզերը՝ Վիվա-ՄՏՍ-ի ուշադրության կենտրոնում. Ճամբարակում սպասարկման նոր կենտրոն է բացվել (ֆոտո)
Բիզնես գործունեությանը զուգահեռ՝ Վիվա-ՄՏՍ-ը պատասխանատու մոտեցում է դրսևորել տարբեր ծրագրերի միջոցով՝ մայրաքաղաք-մարզեր զարգացման տեմպերի տարբերությունը մեղմելու ուղղությամբ...
«RED». «բոլորը մեկում» առաջարկ՝ հարմարավետությունն ու որակը գնահատող հաճախորդների համար
Նորարարական կոնվերգենտ լուծումների հարթակ՝ բաց ֆիքսված կապի բոլոր օպերատորների համար...
«Անհատական օգնական» ծրագիրը կարծրատիպեր է կոտրում մարզերում (ֆոտո)
Դպրոց շաբաթական մեկ կամ երկու անգամ եմ տանում, որովհետև դրսում շատ դժվար է իր համար...
Ամենաշատ