Հետազոտողները նկատել են, թե ինչպես են Մադագասկարում ապրող գիշերային արարածները՝ լեմուրները ուտում քթի լորձը, հայտնում է BBC լրատվականը:
Հայտնի է, որ Հնդկական օվկիանոսի կղզու անտառներում ապրող կատվի չափի պրիմատն օգտագործում է իր բացառիկ երկար միջնամատը՝ թրթուրների որսալու համար, սակայն հետազոտողներն առաջին անգամ նկատել են, որ կենդանին նույն մատով մաքրում է քթի մեջի լորձն ու ուտում այն:
Նման վարքագիծ նկատվել է նաեւ այլ պրիմատների, ինչպես նաեւ մարդկանց մոտ, ինչը հետազոտողներին ստիպում է կարծել, որ այդ տհաճ գործողությունը կարող է օգտակար լինել առողջությանը: Ենթադրվում է, որ քթի լորձը կարող է պարունակել սպիտակուցներ, որոնք օգտակար են կենդանու իմունային համակարգի համար:
