Միջազգային ֆինանսական պահուստների ինստիտուտը վարկաբեկվել է այն պատճառով, որ Արեւմուտքը դոլարն օգտագործում է որպես զենք, ասել է ՌԴ վարչապետ Միխայիլ Միշուստինը ԱՊՀ երկրների կառավարությունների ղեկավարների նեղ շրջանակում անցկացվող նիստում, տեղեկացրել է ՏԱՍՍ-ը։
Նա հիշեցրել է Ռուսաստանի նախագահ Վլադիմիր Պուտինի խոսքերը, որը նշել էր, որ հաշվարկներում ազգային արժույթներին արագացված անցումը եւ փոխադարձ առեւտրում հրաժարումը դոլարից կբացառեն չարաշահումները նոր գլոբալ ֆինանսական ենթակառուցվածքի ոլորտում, թույլ կտան ավելի արդյունավետ, շահավետ եւ անվտանգ գործել միջազգային գործարքներում՝ առանց դոլարի եւ այսպես կոչված այլ պահուստային արժույթների։ «Մանավանդ որ, դոլարը որպես զենք օգտագործելով՝ Արեւմուտքը ընդհանուր առմամբ վարկաբեկել է միջազգային ֆինանսական պահուստների ինստիտուտը»,- ընդգծել է Միշուստինը։
