Իրանի անվտանգության ուժերը կալանավորել են Շիրազ քաղաքի Շահ Չերախ դամբարանում զինված հարձակման երկրորդ մասնակցին։ Այս մասին տեղեկացրել է Իրանի տեղեկատվության նախարար Էսմայիլ Խաթիբը։
«Շիրազում զինված հարձակմանը մասնակցած երկրորդ անձը կալանավորվել է իմամ Զամանի զինվորների ստորաբաժանման խմբի կողմից»,- ասել է նա, տեղեկացրել է Tasnim-ը։
Հոկտեմբերի 26-ի երեկոյան իրանական ԶԼՄ-ները տեղեկացրել էին, որ երեք անհայտ անձինք կրակ են բացել Շիրազ քաղաքի (գտնվում է Իրանի հարավում) Շահ Չերախ դամբարանի տարածքում. 13 մարդ զոհվել է, եւս 45 հոգի՝ վիրավորվել։