Կենսաբանները պարզել են, թե ինչու են ութոտնուկներն ավելի լավ տեսնում, քան ողնաշարավորները, հաղորդում է Current Biology-ը:
Ավանդաբար, ողնաշարավորները համարվում են ամենազարգացած եւ էվոլյուցիոն առումով «առաջադեմ» արարածները, բայց շատ առումներով, ինչպիսիք են խելամտությունն ու ճարպկությունը, ութոտնուկներն ու թանաքաձուկը չեն զիջում նրանց: Նրանք ունեն բարդ ուղեղ եւ նյարդային համակարգ, իսկ գլխոտանիների շոշափուկներն ունեն սեփական նյարդային համակարգը։
Վերլուծությունը ցույց է տվել, որ ութոտնուկների ուղեղի օպտիկական մասում կան նյարդային բջիջների վեց մեծ ենթադասեր, որոնք արտադրում են տարբեր քիմիական ազդանշաններ եւ նկատելիորեն տարբերվում են միմյանցից ձեւով, կառուցվածքով եւ ակտիվության մակարդակով: Այս բջիջների միջեւ փոխազդեցության բնույթը, ինչպես նաեւ նրանց միջեւ կապերի կառուցվածքը, պարզվել է, բացարձակապես տարբերվում են մարդկանց եւ այլ կաթնասունների գլխուղեղի կեղեւի տեսողական շրջաններից:
Բացի դրանից, գիտնականները պարզել են, որ ութոտնուկի ուղեղի տեսողական հատվածի նյարդային բջիջների մոտ մեկ երրորդը հասուն չէ: Սա վկայում է այն մասին, որ գլխոտանիների նյարդային համակարգի այս շրջանի կառուցվածքը անընդհատ փոխվում է եւ դառնում ավելի բարդ՝ նեյրոնների հասունացմանը եւ աճին զուգընթաց:
Հետագայում հետազոտողները ցանկանում են փորձել անջատել կամ հարկադրաբար ակտիվացնել որոշ գեներ ու հետեւել, թե ինչպես են այդ գործոններն ազդում փափկամարմինների տեսողության եւ վարքի վրա: