Երկու երկրների ցանկության դեպքում Իրանի եւ Հայաստանի միջեւ միանգամայն հնարավոր է հասնել երեք միլիարդ դոլարի ապրանքաշրջանառության։ Այս մասին հայտարարել է Իրանի նախագահ Իբրահիմ Ռայիսին Հայաստանի վարչապետ Նիկոլ Փաշինյանի հետ համատեղ մամուլի ասուլիսում երկկողմ զրույցից հետո, գրում է IRNA-ն։

Նրա խոսքով՝ վերջին մի քանի ամիսների ընթացքում Հայաստանի հետ առեւտրային հարաբերությունների 43 տոկոս աճ է գրանցվել, սակայն երկու երկրների միջեւ առեւտրատնտեսական հարաբերությունների զարգացման նպատակը 3 միլիարդ դոլար է։

Ռայիսին հույս է հայտնել, որ Հայաստանի վարչապետի այցի ընթացքում հնարավոր կլինի իրականացնել Թեհրանի եւ Երեւանի միջեւ առեւտրային եւ տնտեսական ոլորտներում ձեռք բերված պայմանավորվածությունները։