Հայաստանից ԵԱՏՄ երկրներ արտահանման ծավալն ընթացիկ տարվա 8 ամիսներին կազմել է 1,1 մլրդ դոլար՝ ավելանալով 2 անգամ անցած տարվա նույն ժամանակամիջոցի համեմատ։ Այս մասին Ազգային ժողովում,  խորհրդարանական մշտական հանձնաժողովների համատեղ նիստում, 2023թ. պետական բյուջեի նախագծի քննարկման ժամանակ, նոյեմբերի 3-ին ասել է հանրապետության էկոնոմիկայի նախարար Վահան Քերոբյանը։

2022թ. 8 ամիսներին Հայաստանի ապրանքաշրջանառությունը ԵԱՏՄ երկրների հետ կազմել է մոտ 2,778 մլրդ դոլար՝ 2021թ. նույն ժամանակամիջոցի համեմատ ավելանալով 74,1 տոկոսով։

Միեւնույն ժամանակ, ներմուծումը ԵԱՏՄ երկրներից կազմել է 1,67 մլրդ դոլար՝ անցած տարվա նույն ժամանակամիջոցի համեմատ ավելանալով 58,7 տոկոսով։