Անգլիայի բանկը ագրեսիվ կերպով՝ 1989 թվականից ամենամեծ չափով բարձրացրել է տոկոսադրույքները , հայտնում է Politico-ն:
Տոկոսադրույքները 75 բազիսային կետով բարձրացնելու որոշումը նպատակ ունի հանել Մեծ Բրիտանիայի տնտեսության լարվածությունը եւ փորձել մեղմել տնային տնտեսությունների եւ ձեռնարկությունների վրա գների անհարմար բարձր ճնշումները: Աճը բարձրացնում է բազային տոկոսադրույքը մինչեւ 3 տոկոս՝ ամենաբարձր մակարդակը 2008 թվականից:
Սա տոկոսադրույքների ամենամեծ աճն է 1989 թվականից, բացառությամբ 1992 թվականին «սեւ չորեքշաբթի»-ի կարճատեւ դրվագի, երբ Մեծ Բրիտանիայի կառավարությունը դուրս եկավ փոխարժեքի եվրոպական մեխանիզմից:
Անգլիայի բանկը հայտարարել է, որ հետագա բարձրացում կարող է անհրաժեշտ լինել «գնաճը իր թիրախային մակարդակին կայուն վերադարձնելու համար, նշելով, որ կարձագանքի «վճռական, ըստ անհրաժեշտության», եթե գնաճը բարձր մնա:
Մեծ Բրիտանիայի կենտրոնական բանկն այս շաբաթ նաեւ սկսել է վաճառել իր պետական պարտատոմսերի փաթեթը, որը կուտակվել էր 2008 թվականի ֆինանսական ճգնաժամից հետո, որպեսզի կրճատի տնտեսություն մղվող փողի քանակը:
Բայց, ինչպես մյուս կենտրոնական բանկերը, Անգլիայի բանկը մտավախություն ունի, որ տոկոսադրույքների բարձրացումը կարող է ազդել տնտեսական աճի վրա: Բազային տոկոսադրույքի բարձրացումը ցավալի կլինի բրիտանական որոշ տնային տնտեսությունների համար՝ հիփոթեքային վարկերի արժեքի վրա դրա անմիջական ազդեցության պատճառով:
«Վերջին կանխատեսումները Մեծ Բրիտանիայի տնտեսության համար շատ դժվար հեռանկարներ են նկարագրում: Սպասվում էր, որ այն երկարաժամկետ ռեցեսիայի մեջ կլինի, իսկ սպառողական գների ինդեքսի ինֆլյացիան մոտ ապագայում կպահպանվի ավելի քան 10 տոկոսի մակարդակում»,- ասվում է բանկի հաղորդագրության մեջ:
