Արաբական Միացյալ Էմիրությունների (ԱՄԷ) ափերի մոտ հայտնաբերված հինավուրց քրիստոնեական վանքը կառուցվել է ավելի քան 1400 տարի առաջ, ինչը նշանակում է, որ այն ավելի մեծ է, քան իսլամական մարգարե Մուհամմեդը, որը ծնվել է մ.թ. 570 թվականին, հայտնում է AP-ը:
Վանքի ավերակները հուշում են, որ հավատացյալներն աղոթել են մի միջանցք ունեցող եկեղեցում, որում մկրտության եւ հաղորդության հաց թխելու հավելյալ սենյակներ են եղել։ Գտնվել են նաեւ խցեր, որտեղ վանականները ժամանակը մենության մեջ են անցկացրել:
Սա տարածաշրջանում հայտնաբերված երկրորդ վանքն է, եւս մեկը հայտնաբերվել է 1990 թվականին, եւ պատմաբանները կարծում են, որ դրանք ի վերջո լքվել են, երբ քրիստոնյաները սկսել են իսլամ ընդունել, քանի որ այս կրոնն ավելի տարածված է դարձել տարածաշրջանում:
Ներկայումս քրիստոնեությունը փոքրամասնություն է կազմում ամբողջ Մերձավոր Արեւելքում, սակայն ԱՄԷ-ն երաշխավորում է կրոնի ազատություն, քանի դեռ դա չի հակասում պետական քաղաքականությանը կամ բարոյականությանը: