News
Լրահոս
News
Երեքշաբթի
Հունվար 31
USD
395.53
EUR
393.43
RUB
6.42
Տեսնել լրահոսը

Թուրքիայի նախագահ Ռեջեփ Թայիփ Էրդողանը Ստամբուլում ընդունել է ՆԱՏՕ-ի գլխավոր քարտուղար Յենս Սթոլթենբերգին, հայտնում է Anadolu-ն։

Հանդիպումից հետո Սթոլթենբերգը բարձր է գնահատել Թուրքիայի դերը սեւծովյան հացահատիկի գործարքը վերականգնելու գործում։

«Մենք քննարկել ենք նաեւ ՆԱՏՕ-ին Ֆինլանդիայի եւ Շվեդիայի անդամակցության գործընթացի ավարտը, որն ավելի ուժեղ կդարձնի մեր դաշինքը»,- գրել է նա Twitter-ում։

Հանդիպման ընթացքում Էրդողանը եւ Սթոլթենբերգը քննարկել են Ուկրաինայի պատերազմը, Թուրքիայի եւ Հունաստանի միջեւ առկա լարվածությունը, ինչպես նաեւ Ֆինլանդիայի եւ Շվեդիայի՝ ՆԱՏՕ-ին անդամակցելու դիմումները։

Էրդողանն ընդգծել է բանակցություններին վերադառնալու անհրաժեշտությունը՝ Ռուսաստանի եւ Ուկրաինայի միջեւ հակամարտությանը որքան հնարավոր է շուտ վերջ դնելու եւ արդար լուծում գտնելու համար։

Նա նաեւ նշել է, որ Շվեդիայի եւ Ֆինլանդիայի հայտերի վավերացման գործընթացի տեմպերն ու ժամկետները կորոշվեն այդ երկրների կողմից ձեռնարկվող քայլերով։

Խոսելով Հունաստանի մասին՝ Էրդողանն ասել է, որ Թուրքիան տարածաշրջանում լարվածություն «չի հրահրում», եւ «օգտակար կլիներ, որ Հունաստանը ողջամտությամբ գործեր»։

ՆԱՏՕ-ի գլխավոր քարտուղարը եռօրյա այցով ժամանել է Թուրքիա, որտեղ նախատեսվում է քննարկել հացահատիկի գործարքի երկարաձգումը եւ Շվեդիայի ու Ֆինլանդիայի՝ ՆԱՏՕ-ին անդամակցելու դիմումները։

Նախօրեին Սթոլթենբերգը հանդիպել էր նաեւ Թուրքիայի արտգործնախարար Մեւլութ Չավուշօղլուի հետ։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ֆինլանդիան շարունակում է հավատարիմ մնալ ՆԱՏՕ-ին անդամակցելու իր ծրագրին՝ Շվեդիայի հետ միաժամանակ
Ռեջեփ Թայիփ Էրդողանն ավելի վաղ հայտարարել էր, որ Անկարան կարող է համաձայնել Ֆինլանդիայի անդամակցությանը․․․
Էրդողանի հայտարարություններից հետո Ֆինլանդիան անմիջապես կապ է հաստատել Թուրքիայի հետ
Էրդողանը ասել էր, որ Թուրքիան կարող է որոշում կայացնել, որը «կցնցի»  Շվեդիային․․․
Ֆինլանդիան ՆԱՏՕ-ին անդամակցելու հարցում դրական դիրքորոշում է ցուցաբերում. Չավուշօղլու
Ֆինլանդիան այժմ դրական դիրքորոշում է ցուցաբերում ՆԱՏՕ-ին անդամակցելու հարցում, կարծում է Մեւլութ Չավուշօղլուն...
Սթոլտենբերգը՝ ՌԴ-ի, Չինաստանի եւ Հյուսիսային Կորեայի պատճառով «միջուկային ծածկ» ստեղծելու անհրաժեշտության մասին
ՆԱՏՕ-ի գլխավոր քարտուղարը՝ «միջուկային ծածկի» մասին...
Օլաֆ Շոլցն ասել է, որ թույլ չի տա պատերազմ տեղի ունենա ՆԱՏՕ-ի եւ ՌԴ-ի միջեւ
Շոլցը վերահաստատել է դիրքորոշումն այն մասին, որ Կիեւին կործանիչներ մատակարարելու մասին խոսք լինել չի կարող...
ՆԱՏՕ-ի նախկին գեներալը կդառնա Չեխիայի հաջորդ նախագահը
61-ամյա ապագա նախագահը առաջադրվել է՝ արեւելաեվրոպական երկրում բեւեռացումը նվազեցնելու խոստումով...
Ամենաշատ