Իրանի հատուկ ծառայությունները բռնել են Սաուդյան Արաբիայից փողով եւ հետախուզական տեխնիկայով բեռը, որը նախատեսված էր երկրում անկարգությունների մասնակիցների համար։Երկուշաբթի այս մասին հայտարարել է Իրանի բանակի գլխավոր հրամանատար, գեներալ Աբդոլրահիմ Մուսավին։
«Սաուդյան Արաբիան մեծ գումար եւ հետախուզական ու լրտեսական տեխնիկա է ուղարկել Իրանի ներսում գտնվող ապստամբներին, սակայն այս ամենն ընկել է իրանական հատուկ ծառայությունների ձեռքը», - Մուսավիի խոսքը մեջբերում IRIB գործակալությունը։
Արդեն 1,5 ամիս է Իրանում շարունակվում են անկարգությունները, որոնք սկսվել են սեպտեմբերի կեսերին՝ կապված ազգությամբ իրանցի Մահա Ամինի մահվան հետ այն բանից հետո, երբ նրան ձերբակալել էր բարքերի ոստիկանությունը։ Բողոքի ցույցերը եւ անկարգությունները հիմնականում տեղի են ունենում Գիլյան, Խուզեստան, Սիստան եւ Բելուջիստան, Թեհրան եւ Քրդստան նահանգներում։