News
Լրահոս
News
Երկուշաբթի
Հունվար 30
USD
395.53
EUR
393.43
RUB
6.42
Տեսնել լրահոսը

Սփյուռքահայերի 74 տոկոսը պատրաստ է Հայաստանում ներդրումներ անել։ Այս մասին այսօր Երևանում մեկնարկած «Այլընտրանքային ներդրումները Հայաստանում» երկօրյա միջազգային համաժողովի բացմանն ասաց ՀՀ էկոնոմիկայի նախարար Վահան Քերոբյանը։

«Մեր կառավարության նպատակն է փոխել տնտեսության կառուցվածքը և սպառման վրա հիմնված աճի մոդելից տեղափոխվել ներդրումների վրա հիմնված մոդելի՝ ընդհանուր ներդրումների ծավալը հասցնելով ՀՆԱ-ի 25 տոկոսին, օտարերկրյա ուղղակի ներդրումների ծավալը՝ ՀՆԱ-ի 6 տոկոսին և այլն»,– ասաց Քերոբյանը` վստահեցնելով, որ Հայաստանում ստեղծված են բոլոր պայմանները մասնավոր ներդրումային ֆոնդերի գործունեության համար։ Կառավարությունն էլ պատրաստ է ամեն կերպ օժանդակել այդ ֆոնդերի ձևավորմանը։

Համաժողովի կազմակերպիչներից Ալեքսանդր Շաղիկյանը հայտնեց, որ Հայաստանի ֆինանսական շուկան այսօր բաղկացած է շուրջ 10,3 մլրդ ԱՄՆ դոլարի վարկային ներդրումներից, 3,6 միլիարդ դոլարի պետական պարտատոմսերից, 1,1 միլիարդ դոլարի կորպորատիվ պարտատոմսերից, 670 միլիոն դոլարի թողարկված բաժնետոմսերից, իսկ մասնավոր կապիտալի ֆոնդերից տնտեսության մեջ տեղաբաշխված միջոցները 200 միլիոն դոլարից էլ պակաս են:

Շաղիկյանը նկատեց, որ ի տարբերություն Հայաստանի` զարգացած ֆինանսական համակարգեր ունեցող երկրներում մասնավոր կապիտալի ֆոնդերի վարկավորման և արժեթղթերի շուկաները համադրելի ծավալներ ունեն։

«Այս համաժողովի նպատակներից մեկն էլ այլընտրանքային ներդրումների առավել արագանցիկ աճին նպաստելն է, որը վերջնարդյունքում նպաստելու է տնտեսական աճին և հանրային բարիքի ստեղծմանը»,- ասաց Ալեքսանդր Շաղիկյանը:

«Այլընտրանքային ներդրումները Հայաստանում» երկօրյա միջազգային համաժողովին մասնակցում են ավելի քան 150 պատվիրակներ Հայաստանից, Միացյալ Նահանգներից, Միացյալ Թագավորությունից, Կուրասաոյից։

Երկօրյա աշխատանքային հարթակը մեկտեղել է ներդրողների, վենչուրային ընկերությունների, ֆինանսական կառույցների, մասնավոր ընկերությունների, կառավարությունների ու դիվանագիտական կառույցների ներկայացուցիչների։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ալեն Սիմոնյանի գլխավորած պատվիրակությունը հանդիպել է Կատարի ներդրումային գործակալության տնօրենին
Կատարի Պետություն աշխատանքային այցի շրջանակում հունվարի 24-ին ՀՀ ԱԺ նախագահ Ալեն Սիմոնյանի գլխավորած պատվիրակությունը հանդիպել է Կատարի...
Համաշխարհային ներդրողները խուսափում են Մեծ Բրիտանիայից․ CBI-ի ղեկավար
«Փողը գնում է Մեծ Բրիտանիայից։ Խնդիրն այն է, որ մենք չունենք ռազմավարություն»․․․
Չինաստանը ողջունում է օտարերկրյա ներդրումները եւ կշարունակի բաց լինել աշխարհի համար․ Լյու Հե
Իր ելույթում Լյու Հեն նշել է Չինաստանի իշխանությունների ջանքերը՝ լուծելու իրացվելիության ճգնաժամը, որը հետապնդում ․․․
 «Զվարթնոց» օդանավակայանի ընդլայնման համար նախատեսվում է ներդնել մոտ 350 մլն դոլար․փոխնախարար
Կան կոնցեսիոն պայմանագրի հետ կապված որոշակի հարցեր, որոնք պետք է ուսումնասիրվեն․․․
Ռուսաստանցի ներդրողն ավելի քան տասը տարի չի կարողանում վերադարձնել իր միջոցները, որոնք ներդրել է ՀՀ ընկերությունում
Ռուսաստանցի ներդրողը չի կարողանում վերադարձնել ներդրած միջոցները...
Գերմանական ընկերությունները նախատեսում են ավելի շատ ներդրումներ կատարել Աֆրիկայում 2023 թվականին
Գերմանա-աֆրիկյան բիզնես ասոցիացիայի անդամների հարցումը ցույց է տվել նաեւ, որ ասոցիացիայի անդամների եւս 39%-ը ձգտում է պահպանել Աֆրիկայում իր ծախսերի կայուն մակարդակը․․․
Ամենաշատ
Ֆոտոռեպորտաժներ