News
Լրահոս
News
Ուրբաթ
Մարտ 29
Տեսնել լրահոսը

Բանակում մահվան դեպքերը հարվածում են երկրի պաշտպանությանը. ոչինչ մեզ այնքան չի վնասում, քան մի քանի ստահակների նմանօրինակ արարքները, որոնց արարաքները ոչ այլ ինչ են, եթե ոչ հարված թիկունքից: Սեպտեմբերի 3-ին լրագրողների հետ հանդիպման ժամանակ նման տեսակետ հայտնեց ռազմական հոգեբան դավիթ Ջամալյանը՝անդրադառնալով Լեռնային Ղարաբաղի «Եղնիկներ» զորամասում մահացած  Աղասի Աբրահամյանի դեպքին:

«Մեծ կառույցի առանձին օղակներ թերացել են իրենց աշխատանքում։ Կառուցվածքի ներսում թերացած մարդիկ պետք է պատժվեն, բայց ես կտրականապես դեմ եմ բարձրագույն զինվորական ղեկավարության փոփոխությանը: Պնախարար Սեյրան Օհանյանը մարդ է, ով երբեք չի լճանում եւ չի թողնում, որ համակարգը լճանա:  Բանակի գլխին հենց Սեյրան Օհանյանի անձն է պետք»,- ընդգծեց փորձագետը։

Նրա խոսքով, բռի զինվորականի կերպարը պետք է վերացվի մեր հասարակությունից, սակայն փաստ է,լ որ նման մարդիկ մեր բանակում դեռեւս կան: «Բռի զինվորականի կերպարը պետք է զուգորդվի բոլորիս անհանդուրժողականության հետ: Նման մարդիկ պետք է իմանան, որ պետք է գլուխը կախ քայլեն: Մի քանի ստահակների արարքը չպետք է տարածվի ամբողջ սպայակազմի վրա եւ արատավորի նրանց բոլորի անունը: Նույն «Եղնիկների» զորամասում կա հրամանատար, ում գումարտակում միշտ փայլուն կարգուկանոն է»,- վստահեցրեց Ջամալյանը:

Ամփոփելով՝ նա համոզմունք հայտնեց, որ Աղասի Աբրահամյանի դեպքով դատաքննությունը հրապարակային կլինի: «Դրանում շահագրգռված է նաեւ Պնախարարը: Ոչ ոք չի ցանկանում, որ դեպքը կոծկվի: Սա նաեւ բարձրագույն ղեկավարության պատվի խնդիրն է: ԶՈՒ-ում լարվածությունն այս դեպքի ֆոնին մեծ է, քանի որ բոլորը գիտեն, որ նմանօրինակ արարքները չեն ներվելու»,- հավաստիացրեց նա։
Ավելի վաղ NEWS.am-ը նշել էր, որ օգոստոսի 26-ին բանակում մահացած զինվորի հարազատները պնդում են, որ 18-ամյա տղային ոչ թե անզգուշությամբ են մահ պատճառել, այլ սպանել են ծեծելով: Նրանք նշում են, որ քրեական գործ պետք է հարուցվեր սպանության հատկանիշներով, մինչդեռ նախաքննական մարմինը քրեական գործ է հարուցել Քրեական օրենսգրքի 112 հոդվածի երկրորդ մասի 14 կետի հատկանիշներով` դիտավորությամբ առողջությանը ծանր վնասվածք պատճառելը, որն անզգուշությամբ առաջացրել է տուժողի մահը:

Համաձայն պաշտոնական տեղեկատվության` Երեւանից Լեռնային Ղարաբաղ զորակոչված, 18-ամյա Աղասի Աբրահամյանը մահացել է Ղարաբաղի զորամասերից մեկում օգոստոսի 26-ին, ժամը 21:30-ի սահմաններում: Անգիտակից վիճակում զինվորական հոսպիտալ տեղափոխվելուց մեկ ժամ անց 18-ամյա զինվորը մահացել էր:

Ութ ամիս առաջ բանակ զորակոչված Աղասիի մայրը` Գայանե Աբրահամյանն ասում է, որ որդու մարմնի վրա բազմաթիվ վնասվածքներ կան, ինչը վկայում է նրան դաժանաբար ծեծելու մասին:

Տպել
Ամենաշատ