Ստամբուլի հետիոտնային զբոսաշրջային Իսթիքլալ փողոցում կիրակի օրը տեղի ունեցած պայթյունի հետաքննության շրջանակում վարկածներից մեկը համարվում է ահաբեկչական հարձաումը, գրում է Mynet լրատվական պորտալը՝ Twitter-ի իր էջում հրապարակված հաղորդագրության մեջ։
Նրա խոսքով, պայթյունից հետո վերլուծվում են բոլոր տեսախցիկների ձայնագրությունները։ Կատարվում է քննություն՝ պարզելու, թե՞ որտեղ է եղել պայթուցիկով լցված պայուսակը։ Ահաբեկչության վարկածը չի բացառվում:
Yeni Shafak թերթի փոխանցմամբ՝ Ստամբուլի գլխավոր դատախազությունը հետաքննություն է սկսել Ստամբուլի հետիոտնային զբոսաշրջային Իսթիքլալ փողոցում տեղի ունեցած պայթյունի փաստով. հարձակումը համարվում է վարկածներից մեկը։
Ինչպես ավելի վաղ հայտնել էր Ստամբուլի նահանգապետ Ալի Երլիքայան, պայթյունը որոտացել է Բեյօղլու թաղամասի Իսթիքլալ փողոցում ժամը 16-ը անց 20-ի սահմաններում։ Պայթյունի հետեւանքով կան զոհեր եւ վիրավորներ. նրանց թիվը ճշտվում է։ Պայթյունի պաշտոնական պատճառը հայտնի չէ։