Թուրքիայի նախագահ Ռեջեփ Թայիփ Էրդողանը հայտարարել է, որ, նախնական տվյալների համաձայն, միջադեպը ահաբեկչության հետեւանք է:
«Սխալ կլինի վստահաբար ասել, որ սա ահաբեկչություն է, սակայն նախնական տվյալները, տեսախցիկների կադրերը, նահանգապետի կողմից մեզ տրված առաջին տեղեկությունները ցույց են տալիս, որ սրանից «ահաբեկչության հոտ է գալիս», - ասել է Էրդողանը Ստամբուլում կայացած մամուլի ասուլիսի ժամանակ:
Պայթյունը տեղի է ունեցել այսօր կեսօրին Ստամբուլի կենտրոնում գտնվող Իսթիքլալ զբոսաշրջային փողոցում։ Քաղաքի նահանգապետ Ալի Երլիքայան հայտնել է, որ պայթյունի հետեւանքով, նախնական տվյալներով, զոհվել է չորս, վիրավորվել՝ 38 մարդ։ Ավելի ուշ նախագահ Ռեջեփ Թայիփ Էրդողանը հայտնել է, որ զոհերի թիվը հասել է 6-ի, 53-ը վիրավորվել են:
