Իրանի իրավապահ մարմինները երկրի հյուսիս-արեւմուտքում ահաբեկչական խմբավորում են ձերբակալել, որը փորձել է մաքսանենգ զենք ներկրել երկիր հաղորդում է Tasnim-ը։

«Արեւմտյան Ադրբեջանում հայտնաբերվել եւ ձերբակալվել են անկարգությունների հետ կապված ահաբեկչական խմբավորման բոլոր անդամները։ Նրանք ծրագրում էին անօրինական կերպով զենք ու զինամթերք տեղափոխել երկիր եւ դրանք կիրառել անկարգությունների ժամանակ, անվտանգության սպառնալիք ստեղծել Իրանի քաղաքներում»,-ասվում է գործակալության հաղորդագրության մեջ:

Գործակալությունը ճշտում է, որ ձերբակալվածները խոստովանել են, որ մտադիր են զենք կիրառել ոստիկանության աշխատակիցների եւ քաղաքացիական բնակչության դեմ անկարգությունների ժամանակ: