Բուլղարիայում ձերբակալել են 5 անձի, որոնք ենթադրաբար ներգրավված են Ստամբուլում ահաբեկչության իրականացմանը, հաղորդում է Բուլղարիայի ազգային հեռուստատեսությունը՝ վկայակոչելով իրավապահ մարմինների աղբյուրները։
Նշվում է, որ ձերբակալվածների թվում կան Մոլդովայի քաղաքացիներ եւ արաբական ծագում ունեցող անձինք։
Բուլղարիայի դատախազության պաշտոնական ներկայացուցիչ Սիյկա Միլեւան հաստատել է այդ տեղեկությունը՝ նշելով, որ հինգ չորսը ձերբակալվել է 72 ժամով, իսկ դատարանում նրանց մշտական կալանքի պահանջ է ներկայացվել։
Նախապես պարզվել է, որ ձերբակալվածները օգնել են ահաբեկչության կազմակերպիչներին լոգիստիկայի եւ հաղորդակցության հարցում։
Հիշեցնենք, որ նոյեմբերի 13-ին Ստամբուլի կենտրոնական Իսթիքլալ փողոցում պայթյուն է տեղի ունեցել։ Թուրքիայի արդարադատության նախարարությունը հայտարարել է, որ դա ահաբեկչական գործողություն էր։ Պայթյունի հետեւանքով զոհվել է վեց մարդ, տուժել ավելի քան 80-ը։
