Թալիբների եւ պակիստանցի զինվորականների միջեւ բախումներ են տեղի ունեցել Աֆղանստանի եւ Պակիստանի սահմանին, հայտնում է Tolo News-ը՝ վկայակոչելով աֆղանական զորքերի 203-րդ կորպուսի ներկայացուցչին։
Նրա խոսքով՝ բախումները տեղի են ունեցել Դուրանդ գծի երկայնքով (Աֆղանստանի եւ Պակիստանի սահմանը, որը Քաբուլը չի ճանաչում)՝ Պակտիա նահանգի Դանդ-է-Պատան շրջանում։
Անցյալ շաբաթ հաղորդվել էր, որ աֆղանական-պակիստանյան սահմանին գտնվող Սպին Բոլդակ շրջանի սահմանային անցակետում թալիբների եւ պակիստանցի զինվորականների միջեւ հակամարտություն է տեղի ունեցել, տուժածներ չկան։