News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

Վերակառուցման եւ զարգացման եվրոպական բանկը իր տարածաշրջանի կառավարություններին կոչ է արել վերանայել COVID-19-ի հետ կապված ընկերություններին ցուցաբերվող աջակցությունը։  ՎԶԵԲ-ը զգուշացրել է, որ «զոմբի ընկերություններին» տրամադրվող աջակցությունը  կարող է դոմինոյի ազդեցություն ունենալ առողջ բիզնեսի համար, հայտնում է Reuters-ը։

Այն դեպքում, երբ կորպորատիվ պարտքը հասել է ռեկորդային մակարդակի մոտ 40 երկրներում, որտեղ գործում է ՎԶԵԲ-ը, շատ երկրներում դեֆոլտների թիվը նվազել է ռեկորդային ցածր մակարդակի, նշվում է ամենամյա «2022-23 թվականների անցումային շրջանի զեկույցում»:

ՎԶԵԲ-ը, որն ընդգրկում է Ղազախստանից մինչեւ Հունգարիա եւ Թունիս ձգվող երկրները, պնդում է, որ որոշ ընկերություններ խուսափել են դեֆոլտից՝ էժան վարկի հասանելիության շնորհիվ, որը, նախաձեռնել են կառավարությունները՝ հաշվի առնելով համաճարակը եւ Ուկրաինայի պատերազմը: Սակայն բարձր տոկոսադրույքների պայմաններում մշտական աջակցությունը դադարել է կայուն լինել, նշել է ՎԶԵԲ-ը:

«Մենք մինչ օրս չենք տեսնում համաճարակի եւ պատերազմի հետեւանքները՝ սնանկությունների տեսանկյունից։ Իրականում ԵՄ նոր անդամ երկրներում սնանկությունների թիվը նվազել է»,- ասել է ՎԶԵԲ-ի գլխավոր տնտեսագետ Բեատա Յավորչիկը։ «Կա զոմբիացման վտանգ, եթե կառավարությունների կողմից արտակարգ միջոցառումները երկարացվեն»:

 ՎԶԵԲ-ը նախազգուշացրել է, որ տնտեսության մեջ «զոմբի ընկերությունների» առկայությունը բացասական հետեւանքներ է ստեղծում առողջ ընկերությունների համար, որոնց ներդրումները, եկամուտը եւ զբաղվածությունը կրճատվում են:

Պետական ​​վարկային երաշխիքների եւ սուբսիդիաների ցանկացած դադարեցում պետք է աստիճանաբար լինի՝ ցնցումներից խուսափելու համար, եւ պետք է հստակ կարգավորվի, որպեսզի ֆինանսական օգնություն ստանան միայն վճարունակ եւ կենսունակ ընկերությունները, որոնք ունեն իրացվելիության հետ կապված ժամանակավոր խնդիրներ»:

ՎԶԵԲ-ը պարզել է, որ այս խնդիրն ավելի արդիական է այն երկրներում, որտեղ գերակշռում են պետական ​​ընկերությունները եւ բանկերը։ Ընտրված 12 երկրների դեպքում պետական ​​ձեռնարկությունների 13 տոկոսը-ը կարող է համարվել զոմբի ընկերություն՝ համեմատած մասնավորների 9 տոկոսի հետ։

ՎԶԵԲ-ի զեկույցի համաձայն  վեց հիմնական ոլորտներում՝ ՝ մրցունակությունից եւ կայունությունից մինչեւ կառավարման պրակտիկա, երկրների կատարած բարեփոխումներում կա ոչ միանշանակ առաջընթաց։

Կենտրոնական Եվրոպայի, Բալթյան եւ հարավարեւելյան Եվրոպայի երկրներում հիմնականում նկատվել է ցուցանիշների աճ, մինչդեռ  հարավային եւ արեւելյան միջերկրածովյան երկրների տնտեսություններում ցուցանիշները նվազել են։ «Կառավարման գնահատականները վատթարացել են շատ երկրներում՝ հիմնականում կոռուպցիայի եւ մամուլի ազատության սահմանափակումների հետ կապված իրավիճակի վատթարացման պատճառով», - ասվում է զեկույցում:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Սոցիոլոգները փորձել են պատասխանել այն հարցին, թե ինչու են մարդիկ հավատում դավադրությունների տեսությանը
Ամերիկացիների կեսից ավելին հավատում է գոնե մեկ դավադրության տեսության...
Տնտեսագետը ԱՄՆ տնտեսության մասին սարսափելի նախազգուշացում է արել
Դա կլինի չափավոր պատմականորեն միջին ռեցեսիա, եւ մենք կվճարենք համաճարակի քաղաքականության գինը, որը, իմ կարծիքով, սխալ էր ուղղորդված...
Գիտնականները պարզել են, որ մահերով մարդկանց վախեցնելը չի ազդում դիմակ կրելու նրանց ցանկության վրա
Հաղորդագրությունների երկու տեսակներն էլ չեն ազդում մարդկանց սոցիալական վարքագծի վրա․․․
Խոշորագույն հեռարձակողները ցույց կտան Ջոնսոնի ցուցմունքները՝ «կորոնավիրուսային երեկույթի» հետաքննության շրջանակներում
Դա բարձր խաղադրույքովներով ներկայացում կլինի․․․
Բրիտանացի պատգամավորը COVID-19-ի պատվաստանյութերը համեմատել է Հոլոքոստի հետ
Վերջին ամիսներին Բրիջենն ավելի քննադատաբար էր արտահայտվում COVID-19-ի պատվաստանյութի մասին․․․
ԱՀԿ-ի տնօրենը Չինաստանին կոչ է արել վերսկսել COVID-19-ի տվյալների կանոնավոր փոխանցումը
ԱՀԿ-ն կրկին ընդգծում է պատվաստումների կարեւորությունը, ներառյալ լրացուցիչ չափաբաժինները․․․
Ամենաշատ