News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

Անցյալ ամիս Չինաստանը շարունակել է մեծացնել ռուսական էներգառեսուրսների ներմուծումը, բնական գազի, ածխի, հում նավթի եւ նավթամթերքի գնումները մեկ տարի առաջվա մոտ 35 միլիարդ դոլարից մեծացել են մինչեւ 60 միլիարդ դոլար, գրում է Bloomberg-ը։

Ռուսաստանում վաճառքներն աճել են՝ չնայած հոկտեմբերին չինական ներմուծման զգալի թուլացմանը: Չինաստանի տնտեսության դանդաղումը սահմանափակել է ապրանքների առաքումը գազից պղինձ, թեեւ հում նավթի գնումները վառ կետ են եղել, քանի որ նավթավերամշակման գործարանները արձագանքել են վառելիքի արտահանման կտրուկ աճի հեռանկարին այն բանից հետո, երբ Պեկինը թողարկել է իր ամենամեծ քվոտան այս տարի:

Չինաստանի մաքսային տվյալների համաձայն՝ Ռուսաստանից նավթի ներմուծումն անցյալ ամիս աճել է 16 տոկոսով՝ հասնելով 7,72 մլն տոննայի, եւ այդ ծավալը զիջում է միայն Սաուդյան Արաբիային:

Դեկտեմբերի 5-ից Եվրամիությունը պատրաստվում է արգելել ռուսական նավթի ֆինանսավորումը, ապահովագրությունը եւ առաքումը, ինչը կստիպի ներկրողներին փնտրել լուծումներ, որոնք չեն ներգրավում դաշինքի բանկերին, ապահովագրական ակումբներին եւ նավատերերին:

Ռուսական հեղուկացված բնական գազի վաճառքը հոկտեմբերին ավելի քան կիսով չափ աճել է անցյալ տարվա համեմատ՝ հասնելով 756 000 տոննայի, չնայած գերսառեցված վառելիքի Չինաստանի ընդհանուր գնումների 34 տոկոս անկմանը: Չինաստանը տարեսկզբից չի հայտնել ռուսական գազի մատակարարման հիմնական ուղիների՝ խողովակաշարերով ներմուծման մասին։

Ռուսաստանից ածխի ներմուծումն աճել է 26 տոկոսով եւ կազմել է 6,4 մլն տոննա։ Դրանց մոտ 2,4 միլիոն տոննան բաժին է ընկել կոքսային ածխին՝ պողպատաձուլական արդյունաբերության համար, ինչը երեք անգամ ավելի է, քան մեկ տարի առաջ, թեեւ մի փոքր ավելի քիչ, քան սեպտեմբերին գրանցված ռեկորդը:

Այսպիսով, ռուսական էներգակիրների ընդհանուր գնումները, ներառյալ նավթամթերքներինը, անցյալ ամիս կազմել են 7,7 միլիարդ դոլար, ինչը փոքր-ինչ ավելի է սեպտեմբերի վերանայված 7,6 միլիարդ դոլարից, բայց զգալիորեն գերազանցում է անցյալ տարվա 5,4 միլիարդ դոլարը: Արդյունքում դա կազմում է մոտ 59,5 միլիարդ դոլար ուկրաինական պատերազմի սկզբից։

 

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ֆրանսիան եւ Իրաքը էներգետիկայի ոլորտում մի շարք համաձայնագրեր են ստորագրել
Մակրոնը եւ Շայա ալ-Սուդանին մի շարք համաձայնագրեր են ստորագրել...
Հունգարիան վետո կդնի Ռուսաստանի միջուկային էներգետիկայի դեմ ԵՄ-ի ցանկացած պատժամիջոցների վրա. Օրբան
Ուկրաինան ԵՄ-ին կոչ է արել պատժամիջոցներ սահմանել Ռուսաստանի միջուկային էներգետիկայի...
ԵՄ յոթ երկրներ դեմ են ԵՄ-ի նոր ֆինանսավորմանը՝ ի պատասխան ԱՄՆ-ի սուբսիդավորման ծրագրի
Հունվարի 26-ի նամակը, որին ծանոթացել է Reuters գործակալությունը, ստորագրվել է Չեխիայի, Դանիայի, Ֆինլանդիայի․․․
Թուրքիան հույս ունի մեկ տարվա ընթացքում սկսել Ռուսաստանի առաջարկած գազային հանգույցի նախագծի շահագործումը
Տարածաշրջանի երկրները, որոնց հետ մենք կապեր ենք պահպանում, նույնպես աջակցում են գազի կենտրոնի...
Anadolu-ն հայտնել է Ուկրաինայում լողացող էլեկտրակայաններ տեղակայելու Թուրքիայի ծրագրերի մասին
Թուրքական Karpowership ընկերությունը հուշագիր է ստորագրել «Ուկրաինայի էներգետիկ ընկերություն» ԲԸ-ի հետ․․․
Ռուսաստանն ու Ուզբեկստանը ստորագրել են Ղազախստանի տարածքով գազի տարանցման ճանապարհային քարտեզը
«Գազպրոմի» ղեկավար Ալեքսեյ Միլլերն ու Ուզբեկստանի էներգետիկայի նախարար Ժուրաբեկ Միրզամախմուդովը ․․․
Ամենաշատ