Ես Նիկոլից կամ իմ տունն եմ ուզում, կամ թող սերտիֆիկատի գումարն ավելացնի, որ կարողանամ տուն առնեմ: Այս մասին, այսօր՝ նոյեմբերի 24-ին, կառավարության դիմաց Արցախից տեղաբանված բնակիչների բողոքի ակցիայի ժամանակ հայտարարեց բերձորից տեղահանված Անահիտ Գեւորգյանը, ով 8 երեխայի ու հիվանդ ամուսնու հետ միասին վարձով է ապրում Արտաշատի Այգեզարդ գյուղում:
«Մենք բազմազավակ ընտանիք ենք, 8 երեխա ունեմ, հիվանդ ամուսին: Եսե իմ տունն եմ պահանջում Նիկոլից: Ինքը հեռուստատեսությամբ հայտարարեց, որ բերձորցիներին ապահովում եմ տնով, ամեն ինչով, զաբուղցիներին (Աղավնո-խմբ) էլ Ստեփանակերտն է ապահովում: Իսկ հիմա ես վարձով եմ ապրում: Ես իմ տունն եմ պահանջում, եթե չտվեց, իր համար լավ չի լինելու: Կամ էլ թող գումար ավելացնի, ես առնեմ էդ տունը»,-ասաց նա:
Տեղահանված կնոջ խոսքով, իրեն 10 մլն դրամի սերտիֆիկատ են տվել, իսկ այդ գումարով տուն գնել չի կարող. «Թող 10 մլն էլ ավելացնեն: Հիմա ես պետք է վարկ վերցնեմ, 10 մլն էլ ավելացնեմ, որ տուն առնեմ: Այսինքն ես իմ երեխեքի բերնից պետք է կտրեմ ու 15 մլն դրամ 10 տարում փակվեմ: Արդեն 4 ամիս է վարձով եմ ապրում, 70 հազարով: Ոչ մի հարմարություն չկա, ինչքա՞ն կարող եմ դիմանալ: Հիվանդ ամուսին ունեմ: 90 հազար սպաստ եմ ստանում, դրանով դեղ առնեմ, երեխեքին ուտելիք առնեմ, թե վարձը տամ: Իսկ ինքը աղայավարի գնում տաք տեղերի մեջ քնում է, իսկ իր երեխեքը գետնին են քնում:
Ես էլ չեմ կարողանում վարձով ապրել, եթե ինձ տուն չտան, կբերեմ երեխեքից կքնացնեմ կառավարության շենքի պատի տակ, ինչ էլ լինի, կասեմ՝ Նիկոլի վզով է գնալու»,-ասաց նա:
