Հոնդուրասի նախագահ Քսիոմարա Կաստրոն ազգային անվտանգության ոլորտում արտակարգ դրություն է հայտարարել եւ ձեռնամուխ է եղել ամբողջ երկրում գործող ագրեսիվ հանցավոր խմբավորումների կողմից շորթման դեպքերի աճող թվի դեմ պայքարի նոր ծրագրի իրականացմանը, հաղորդում է Reuters-ը:
Կաստրոյի նոր միջոցները թույլ կտան տեղակայել 20 000 ոստիկան, ներդնել ճանապարհների անվտանգության նոր վերահսկողություն եւ միջոցներ ձեռնարկել փողերի լվացման դեմ:
Դա նաեւ Հոնդուրասի կառավարությանը թույլ կտա արտակարգ իրավիճակներում պետական միջոցներն օգտագործել հանցավոր խմբավորումների դեմ պայքարելու համար: