News
Լրահոս
News
Ուրբաթ
Մարտ 29
Տեսնել լրահոսը

ՆԱՏՕ-ի գլխավոր քարտուղար Յենս Ստոլտենբերգը հայտարարել է Ուկրաինայի համար ձմռան «սարսափելի սկզբի» մասին՝ ափսոսանք հայտնելով, որ «սրանք դժվար ժամանակներ են նաեւ մնացած Եվրոպայի եւ ամբողջ աշխարհի համար»՝ հաշվի առնելով էներգիայի եւ պարենային ապրանքների գների աճը:

Նա խոստովանել է, որ «մենք բոլորս վճարում ենք» Ուկրաինայի պատերազմի համար։ Դաշինքի գլխավոր քարտուղարը մխիթարությունը տեսել է նրանում, որ եթե ՆԱՏՕ-ի անդամները դրա համար վճարում են փողով, ապա ուկրաինացիները «վճարում են արյամբ»։

Չնայած դրան՝ Ստոլտենբերգը փաստացի բացառել է ճգնաժամը դիվանագիտական ​​ճանապարհով լուծելու հնարավորությունը։

«Եթե մենք թույլ տանք, որ Պուտինը հաղթի, մենք բոլորս դեռ երկար տարիներ  շատ ավելի բարձր գին կվճարենք: Եթե ​​Պուտինը եւ մյուս ավտորիտար առաջնորդները տեսնեն, որ ուժը պարգեւատրվում է, նրանք կրկին ուժ կկիրառեն իրենց նպատակներին հասնելու համար։ Այդպիսով մեր աշխարհն ավելի վտանգավոր կդառնա։ Ուստի մեր շահերից է բխում Ուկրաինային աջակցելը», - ասել է նա՝ հավելելով, որ  «մենք պետք է հիշենք՝ ինչի պատճառով է այս պատերազմը»։

«Այն, ինչ կատարվում է բանակցությունների սեղանի շուրջ կախված է նրանից, թե ինչ է կատարվում մարտի դաշտում։ Հետեւաբար խաղաղ լուծման հնարավորությունը մեծացնելու լավագույն միջոցը Ուկրաինային աջակցելն է», - ասել է նա՝ հասկացնելով, որ ՆԱՏՕ-ն կշարունակի Ուկրաինային զինել այնքան, որքան կպահանջվի։

«Ավելի երկարատեւ հեռանկարում մենք Ուկրաինային կօգնենք խորհրդային սարքավորումներից անցնել ժամանակակից ստանդարտներին։ Մենք կհանդիպենք ԱԳ նախարար Դմիտրի Կուլեբայի հետ՝ Ուկրաինայի ամենակարեւոր պահանջները եւ մեր երկարատեւ աջակցությունը քննարկելու համար», - նշել է նա։

Ստոլտենբերգը հայտարարել է Բոսնիա եւ Հերցեգովինայի, Վրաստանի եւ Մոլդովայի արտաքին գործերի նախարարների հետ ծրագրված հանդիպումների մասին։ «Մեր երեք գործընկերները տարբեր կերպ են բախվում Ռուսաստանի ճնշմանը։ Ուստի մեր հանդիպման ժամանակ մենք քայլեր կձեռնարկենք ՝ օգնելու նրանց պաշտպանել իրենց անկախությունը եւ ամրապնդել իրենց պաշտպանվելու կարողությունը»,- ասել է նա:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Բունդեսվերը Ուկրաինայի ԶՈւ-ին կհանձնի 10 000 արկեր. գերմանացի գեներալ
Առաջիկա օրերին Գերմանիան Ուկրաինային կտա 10 հազար հրետանային արկեր...
ԱՄՆ-ն և Թուրքիան բանակցություններ են վարում Ուկրաինայի համար պայթուցիկ նյութերի գնումներն ավելացնելու շուրջ. Bloomberg
Հայտարարության մեջ, որը կարևորում է Տեխասի և թուրքական արդյունաբերության մեջ ներդրումները...
Մակրոնի հայտարարությունն Ուկրաինա զորքեր ուղարկելու մասին զայրացրել է ամերիկացի պաշտոնյաներին. Bloomberg
Մակրոնի խոսքերը կարող էին հակառակ ազդեցություն ունենալ...
Ֆրանսիան շուտով Ուկրաինային 78 «Caesar» հաուբից կմատակարարի. Լըկորնյու
Նախարարը նշել է, որ Ֆրանսիան միաժամանակ մտադիր է այս տարի 155 մմ տրամաչափի զինատեսակների համար 80 հազար արկ մատակարարել․․․
Զելենսկին Դանիլովին ազատել է Ուկրաինայի ազգային անվտանգության և պաշտպանության խորհրդի քարտուղարի պաշտոնից
Այս պաշտոնում է նշանակվել Արտաքին հետախուզության ծառայության ղեկավար Ալեքսանդր Լիտվինենկոն...
Սպիտակ տունը մեղադրել է Ներկայացուցիչների պալատի խոսնակին Կիեւին ռազմական օգնություն չտրամադրելու ցանկության մեջ
Մայք Ջոնսոնը չի ցանկանում ռազմական օգնություն տրամադրել Ուկրաինային...
Ամենաշատ