News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

ԵՄ երկրները վերսկսել են ռուսական նավթի գնային շեմ մտցնելու բանակցությունները, նրանց միջեւ ծագել են խոր տարաձայնություններ այն առնչությամբ, թե որ մակարդակում պետք է սահմանել այդ շեմը, որպեսզի առավելագույն վնաս հասցվի Ռուսաստանին եւ նվազագույն վնաս՝ ԵՄ անդամ երկրներին, տեղեկացրել է Politico-ն։

«ԵՄ-ը գտնվում է G7-ի եւ ԱՄՆ աճող ճնշման ներքո։ Սպասվում է, որ այս միջոցն ուժի մեջ կմտնի դեկտեմբերի 5-ին՝ ռուսական հում նավթի ծովային ներմուծման ԵՄ արգելքի եւ Մեծ Բրիտանիայի կողմից ռուսական նավթի արգելքի հետ միաժամանակ։

Հայտարարությունն սպասվում էր անցած շաբաթ, բայց ԵՄ երկրները մինչ այժմ տարակարծիք են այն մակարդակի հարցում, որը պետք է սահմանվի որպես շեմ։ ԵՄ մի քանի դիվանագետների խոսքով՝ Լեհաստանը,  եւ Բալթյան երկրները պնդում են առավել կոշտ եւ ցածր շեմ սահմանել, այն դեպքում, երբ Հունաստանը, Մալթան եւ Կիպրոսը կամ ավելի բարձր գին են պահանջում, կամ փոխհատուցում իրենց  նավագնացության ճյուղի պաշտպանության համար։

Եվրոպական հանձնաժողովն առաջարկել է մեկ բարելը 65-70 դոլարի շեմ։ Բայց սա մոտավորապես այն մակարդակն է, որով ներկայում վաճառվում է ռուսական Urals տեսակի հում նավթը։ Brent տեսակի (միջազգային էտալոն) նավթի մեկ բարելը  վաճառվում է մոտ 81 դոլարով, իսկ ռուսական նավթը՝ 66 դոլարով։

Լեհաստանը հայտարարել է, որ գնային շեմը պետք է լինի «որքան հնարավոր է ցածր», իսկ Ուկրաինայի նախագահ Վլադիմիր Զելենսկին շաբաթ օրը հայտարարել էր, որ 60 դոլարի սահմաններում սահմանվող գինը «արհեստական շեմ» կլինի։ «Մենք կցանկանայինք, որպեսզի պատժամիջոցները լինեն շատ արդյունավետ այս պայքարում, որպեսզի սահմանաչափը լինի 30-40 դոլար, որպեսզի Ռուսաստանը դա զգա»,- ասել է նա լրագրողներին։

ԵՄ դիվանագետի խոսքով՝ երկրները շարունակում են սահմանափակման մակարդակի ոչ պաշտոնական քննարկումները, դեսպանները հանդիպելու են երկուշաբթի, որպեսզի համաձայնեցնեն գինը։

Բայց դիվանագետը նշել է, որ բազե-երկրները վճռականորեն դեմ են արտահայտվելու ցանկացած շեմի, որը նրանք կհամարեն չափից ավելի բարձր։

«Ռուսական նավթ արդյունահանողները վնաս կրում են 12-20 դոլարի մակարդակի չափով»,- ասել է դիվանագետը։ «(Եվ այսպես), այդ մակարդակի դեպքում նրանք կարող են ծածկել ծախսերը։ Յուրաքանչյուր ավելորդ դոլար դոլար է ռուսական ռազմական բյուջեի համար»։

Մյուս կողմից՝ միջերկրածովյան երկրների եռյակը պնդում է, որպեսզի մի բարձրաստիճան պաշտոնյա դրանք անվանի «կենսական շահեր»։ G7-ի եւ ԵՄ երկրները, պլանի համապատասխան, պարտավորվում են արգելել իրենց ապահովագրական եւ նավագնացային սեկտորներին՝ աջակցել ռուսական նավթի տեղափոխմանը երրորդ երկրներ, եթե այն չվաճառվի սահմանափակ կամ ավելի ցածր գնային մակարդակով։

Միջերկրածովյան երկրներից մեկի բարձրաստիճան պաշտոնյան, ի նշան հիասթափության ԵՄ ձգձգման առիթով, ասել է, որ նրանք «ճնշում են տեսնում ԱՄՆ-ի կողմից», որպեսզի ԵՄ-ը պայմանավորվի նավթի գնի մասին։

ԱՄՆ ֆինանսների նախարար Ջանեթ Յելենն առաջարկել է շեմը սահմանել մեկ բարելը 60 դոլարի սահմանում։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ֆրանսիան եւ Իրաքը էներգետիկայի ոլորտում մի շարք համաձայնագրեր են ստորագրել
Մակրոնը եւ Շայա ալ-Սուդանին մի շարք համաձայնագրեր են ստորագրել...
Հունգարիան վետո կդնի Ռուսաստանի միջուկային էներգետիկայի դեմ ԵՄ-ի ցանկացած պատժամիջոցների վրա. Օրբան
Ուկրաինան ԵՄ-ին կոչ է արել պատժամիջոցներ սահմանել Ռուսաստանի միջուկային էներգետիկայի...
ԵՄ յոթ երկրներ դեմ են ԵՄ-ի նոր ֆինանսավորմանը՝ ի պատասխան ԱՄՆ-ի սուբսիդավորման ծրագրի
Հունվարի 26-ի նամակը, որին ծանոթացել է Reuters գործակալությունը, ստորագրվել է Չեխիայի, Դանիայի, Ֆինլանդիայի․․․
Թուրքիան հույս ունի մեկ տարվա ընթացքում սկսել Ռուսաստանի առաջարկած գազային հանգույցի նախագծի շահագործումը
Տարածաշրջանի երկրները, որոնց հետ մենք կապեր ենք պահպանում, նույնպես աջակցում են գազի կենտրոնի...
Anadolu-ն հայտնել է Ուկրաինայում լողացող էլեկտրակայաններ տեղակայելու Թուրքիայի ծրագրերի մասին
Թուրքական Karpowership ընկերությունը հուշագիր է ստորագրել «Ուկրաինայի էներգետիկ ընկերություն» ԲԸ-ի հետ․․․
Ռուսաստանն ու Ուզբեկստանը ստորագրել են Ղազախստանի տարածքով գազի տարանցման ճանապարհային քարտեզը
«Գազպրոմի» ղեկավար Ալեքսեյ Միլլերն ու Ուզբեկստանի էներգետիկայի նախարար Ժուրաբեկ Միրզամախմուդովը ․․․
Ամենաշատ