4,6 մագնիտուդով երկրաշարժ է տեղի ունեցել Հունաստանում, տեղեկացրել է Աթենքի համալսարանի սեյսմաբանական լաբորատորիան։
Սկզբում լաբորատորիան երկրաշարժի մագնիտուդը գնահատել է 4,8, այնուհետեւ իջեցրել է այդ գնահատականը։
Ուժեղ ցնցումները մի քանի վայրկյան զգացվել են Աթենքում։
Երկրաշարժը տեղի է ունեցել տեղի ժամանակով ժամը 06.32-ին, տեղեկացրել է սեյսմաբանական լաբորատորիան։ 06.42-ին հետեւել է 3,4 մագնիտուդով հետցնցում։
Երկրաշարժի օջախը գտնվել է 56 կիլոմետր Աթենքից հյուսիս-արեւելք, ծովում, Էվբեոս կղզու մոտ, 2 կիլոմետր խորությամբ։ Մինչ այդ, երկու-երեք ժամվա ընթացքում այդ շրջանում տեղի են ունեցել մի քանի ոչ մեծ երկրաշարժեր՝ 2,-2,5 մագնիտուդով։
Տուժածների եւ վնասների մասին առայժմ տեղեկություններ չկան։