News
Լրահոս
News
Հինգշաբթի
Փետրվար 02
USD
395.53
EUR
393.43
RUB
6.42
Տեսնել լրահոսը


Վերին Դվին գյուղում կատարված բնակարանային գողության վերաբերյալ առաջին ահազանգը դեռևս հոկտեմբերի 4-ին էր: Տանտերը հայտնում էր, որ ժամը 10.30-ից 15.30-ն ընկած ժամանակահատվածում, երբ տանը մարդ չկար, բացել էին պատուհանը, խառնշտորել տան իրերը, սակայն արժեքավոր բան չգտնելով` ոչինչ չէին տարել:

Ոստիկանությունից NEWS.am-ին հայտնում են, որ մեկնել էր բաժնի օպերատիվ խումբը, ձեռնարկվել էին անհրաժեշտ գործողություններ, նաև վարկած էր առաջ քաշվել, որ գողը կարող է նույն գյուղից լինի: Ու մինչ քրեական հետախույզները փորձում էին հաստատել վարկածը` հոկտեմբերի 10-ին ստացվեց նոր ահազանգ: Վերին Դվին գյուղի իրենց տնից տանտերերը բացակայել էին ժամը 12-ից 19-ը: Այս անգամ բացել էին պատուհանը, մտել տուն և ննջասենյակում պահված դրամապանակից գողացել 450 հազար դրամ:

Իրավապահների գործողությունները նոր թափ առան, իսկ նախկին վարկածը մնում էր ամենահավանականը: Իսկ հաջորդ օրը ստացված նոր հաղորդումը գալիս էր հաստատելու վարկածը: Տանտերերը տնից բացակայել էին ցերեկվա ժամը 10-ից 12-ը, այդ ընթացքում բացել էին տան հետնամասի պատուհանը և գողացել 600 հազար դրամ, ոսկյա մատանի:

Իրավիճակը բարդացնում էր այն, որ գյուղական համայնքում օրը ցերեկով անհնար էր որևէ կանխարգելիչ միջոցառում ձեռնարկել կամ դարանակալել: Գյուղի բնակիչ կասկածելի անձանց վերաբերյալ ստուգումները հերթով հերքվում էին: Իրավապահները բնակիչներին զգուշացրին, որ լինեն զգոն, ուշադիր, տանը թանկարժեք իրեր ու մեծ գումար չպահեն:

Իսկ վերջին ահազանգը ստացվեց հոկտեմբերի 31-ին: Տանտերերը բացակայել էին ժամը 10-ից 19-ը: Այդ ընթացքում բացել էին խոհանոցի պատուհանը և տարել 10 հազար դրամ ու երկու գանձանակ` մոտ 60 հազարի մանրադրամով:

Արտաշատի քրեական հետախույզներն արդեն ձեռք էին բերել որոշակի տեղեկություններ, մնում էր ստեղծել ապացուցողական հիմք: Օպերատիվ-հետախուզական ծավալուն միջոցառումների արդյունքում վերջապես հնարավոր եղավ հիմնավորել, որ առաջին վարկածը ճիշտ էր: Գողությունները կատարելու կասկածանքով նոյեմբերի 7-ին ձերբակալվեց Վերին Դվին գյուղի բնակիչ, 24-ամյա մի երիտասարդ: Նա ներկայացվեց նախաքննություն իրականացնող մարմին և դատարանի որոշմամբ նույն օրն էլ կալանավորվեց:

Ձեռարկվում են միջոցառումներ՝ գողոնը հայտնաբերելու ուղղությամբ:

Տպել
Կարդացեք նաև
Ամբողջը
Մեկ օրում ոստիկանությունը բացահայտել է 43 հանցագործության դեպք. Թմրանյութեր, զենք, անօրինական միգրացիա
Ըստ ոստիկանության օպերատիվ հաղորդագրությունների ամփոփագրերի...
Ատոմակայանի նախկին գլխավոր տնօրենին մեղադրանք է առաջադրվել 1 մլն 27 հազար դոլար հափշտակելու համար
2002-2014 թվականներին «Հայկական ատոմային էլեկտրական կայան» ՓԲԸ-ի...
Սարի թաղում «Renault»-ն բախվել է  գազատար խողովակին եւ «Infiniti»-ին
Պարզվել է, որ «Renault» մակնիշի ավտոմեքենան (վարորդ՝ Հ. Կ.) դուրս է եկել ճանապարհի երթևեկելի հատվածից...
Ծեծկռտուք՝ ավտոնորոգման կետում. 25-ամյա երիտասարդը օդաճնշիչ ատրճանակով կրակել է մյուսի կրծքավանդակին
Հունվարի 26-ին ոստիկանության Արտաշատի բաժնում տեղեկություններ էին ստացվել, որ Իսակովի փողոցի ավտոնորոգման կետերից մեկում ծեծկռտուք է եղել…
Ավստրալիայում գտել են գերռադիոակտիվ պարկուճը, որը կորել էր պահեստ ուղարկվելու ճանապարհին
Կորած գերռադիոակտիվ պարկուճը հայտնաբերվել է Արեւմտյան Ավստրալիայում...
Ավտովթարի են ենթարկվել Ավետիք Չալաբյանն ու Արմեն Խաչիկյանը․ shamshyan․com
Կոտայքի մարզում, այսօր՝ փետրվարի 1-ին, ճանապարհի մերկասառույցի…
Ամենաշատ
Ֆոտոռեպորտաժներ