News
Լրահոս
News
Չորեքշաբթի
Փետրվար 01
USD
395.53
EUR
393.43
RUB
6.42
Տեսնել լրահոսը

Ֆրանսիացի գիտնականները վերծանել են Սրբազան Հռոմեական կայսրության Կարլոս V կայսեր կողմից 1547 թվականին ստորագրված նամակը, հայտնել է Նանսում Ստանիսլասի գրադարանը, գրում է BI-ն։

Գաղտնի ծածկագրված նամակը բացահայտել է Վերածննդի շրջանում Եվրոպայի ամենաազդեցիկ մարդու լուրջ մտավախությունները կրոնական եւ ռազմավարական հակամարտության ժամանակաշրջանում։ Կառլ V-ը վախեցել  է իտալացի վարձկանի կողմից մահափորձից եւ առաջնային ուշադրություն դարձրել Ֆրանսիայի թագավոր Ֆրանցիսկոս I-ի հետ իր հարաբերություններին:

Երեք էջանոց նամակը, որը երբեմն գրված է պարզ տառերով, երբեմն էլ՝ գաղտնի ծածկագրով, բացահայտում է 16-րդ դարի թագավորական գաղտնիքները, այդ թվում այն լուրերը, որ Պիեռ Ստրոցցին՝ Ֆրանցիսկոս I-ի ղեկավարության ժամանակ ռազմական ղեկավարը, պատրաստվում էր սպանել նրան:

Գրեթե 5 դար նամակը մոռացված է եղել Ստանիսլասի գրադարանում։

Նամակը, որն ուղարկվել է կայսեր կողմից Ֆրանսիայի թագավորական արքունիքում իր դեսպանին, գրվել է մայրցամաքային պատերազմների եւ կաթոլիկների և բողոքականների միջեւ կրոնական բախումների ֆոնին, իսկ դա նշանակում էր, որ անհրաժեշտ էր գաղտնի հաղորդակցվել եւ որեւէ արժեքավոր տեղեկություն չհաղորդել ուրիշներին:

 Մինչ օրս նամակի բովանդակությունը գաղտնիք էր, քանի որ այն կազմված էր մոտ 120 ծածկագրված խորհրդանիշներից եւ ֆրանսերենով մի քանի հատվածներից։

Նամակի ամբողջական թարգմանությունը դեռ չի թողարկվել, սակայն բացահայտված թեմաները ցուցադրում են եվրոպական պատմության շրջադարձային պահին մեծագույն գործչի մտածելակերպի մասին անգնահատելի ըմբռնումը։

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ