News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

Թուրքիայի նախագահ Թայիփ Էրդողանն ասել է, որ Թուրքիայի զինված ուժերի ռազմական գործողությունները Սիրիայի եւ Իրաքի հյուսիսում «ոչ մեկին չպետք է անհանգստացնեն», նրա խոսքով՝ Անկարան ոչ մեկի առջեւ հաշվետու չի լինի։

«Թուրքիան նախկինի պես լի է իր հարավային սահմաններին 30 կիլոմետր խորությամբ անվտանգության գոտի ստեղծելու վճռականությամբ՝ նախաձեռնելով քայլեր, որոնք վերաբերելու են մեր հայրենիքի եւ մեր ժողովրդի անվտանգությանը, եւ մենք ոչ մեկի առջեւ հաշվետու չենք լինի»,- Էրդողանի խոսքերը մեջբերում է Anadolu գործակալությունը։

Էրդողանը նաեւ նշել է Թուրքիայում արգելված Քրդական աշխատավորական կուսակցության ահաբեկիչներին, որոնք PYD եւ YPG անվանումների տակ թաքնվում են Սիրիայի հյուսիսում, մի շարք երկրների կողմից ցուցաբերվող օժանդակության անթույլատրելիության մասին։ Նրանք իրենց անվանում են նաեւ «Սիրիական դեմոկրատական ուժեր», նշել է նա։

«Թուրքիան չի հանդուրժի նրանց կեղծավորությունը, որոնք աջակցում են ահաբեկչական կազմակերպություններին՝ դրանց վերանվանումը խաղարկելու միջոցով»,- ասել է նա։

Նախագահ Էրդողանը մեկնաբանել է Թուրքիայի ԶՈւ հարվածները ահաբեկիչների օբյեկտներին Իրաքի եւ Սիրիայի հյուսիսում։ «Ոչ մեկին չպետք է անհանգստացնեն Թուրքիայի ռազմական գործողություններն՝ ուղղված անվտանգության եւ խաղաղության ամրապնդմանը»,- ընդգծել է նա։

«Ոչ ոք ի զորու չէ դատարկ սպառնալիքներով ստիպել մեր երկրին դիրքորոշում որդեգրել, որը կհակասի նրա շահերին քաղաքական, դիվանագիտական, տնտեսական եւ ռազմական ոլորտներում։ Ոչ մեկին չպետք է անհանգստացնի  Թուրքիայի քաղաքականությունը, որը հենվում է արդարության, համերաշխության եւ դիվանագիտական նախաձեռնությունների վրա՝ բարեկամության եւ համագործակցության սկզբունքներին համապատասխան»,- ասել է Թուրքիայի նախագահը։

Թուրքիան նոյեմբերի 20-ից Սիրիայի հյուսիսում օդային գործողություն է իրականացնում երկրում արգելված Քրդական աշխատավորական կուսակցության սիրիական թեւի դեմ, նշվել է Քոբանի քաղաքին, ինչպես նաեւ Իրաքի հյուսիսային շրջաններում հասցված հարվածների մասին։ Թուրքիայի նախագահ Ռեջեփ Թայիփ Էրդողանը գործողությունն անվանել է հաջող եւ չի բացառել, որ դրան կհաջորդի ցամաքային գործողություն։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Իրանը պատրաստ է համագործակցել Սիրիայի զինված ուժերի հետ. ԻՀՊԿ
Նրա խոսքով՝ Իրանի Իսլամական հեղափոխության պահապանների կորպուսը պատրաստ է արդիականացնել կրթական ․․․
Բաշար Ասադը եւ ՌԴ նախագահի հատուկ ներկայացուցիչը քննարկել են Թուրքիայի հետ բանակցությունների հնարավորությունը
Լավրենտեւը, իր հերթին, նշել է, որ Ռուսաստանը գնահատում Է Սիրիայի կառուցողական դիրքորոշումը Ուկրաինայում․․․
Իրանը ողջունում է Սիրիայի եւ Թուրքիայի միջեւ բանակցությունները
Նրա խոսքով՝ Աստանայի ձեւաչափը պետք է ուժեղացնել առկա խնդիրները լուծելու համար․․․
Էրդողանը Ասադի հետ կարող է հանդիպել մինչեւ մայիսին Թուրքիայում կայանալիք նախագահական ընտրությունները. Aydınlık
Էրդողանը եւ Ասադը կարող են հանդիպել մինչեւ Թուրքիայի նախագահական ընտրությունները...
Թուրքիան, ՌԴ-ն եւ ԱՄԷ-ն կրկնապատկում են Սիրիայի նախագահի վարկը վերականգնելու ջանքերը. Bloomberg
Թուրքիան, Ռուսաստանը եւ ԱՄԷ-ն կրկնապատկում են Բաշար ալ-Ասադի վարկը բարձրացնելու ջանքերը...
Ռուսաստանը պետք է ապահովի Լեռնային Ղարաբաղում եւ Սիրիայում խաղաղության պահպանումը․ Շոյգու
Ռուսական զորախմբերը շարունակում են մնալ Սիրիայում եւ Լեռնային Ղարաբաղում խաղաղության պահպանման ․․․
Ամենաշատ