News
Լրահոս
News
Շաբաթ
Հունվար 28
USD
395.53
EUR
393.43
RUB
6.42
Տեսնել լրահոսը

ՀՀ ԱԺ «Հայաստան» դաշինքի պատգամավոր Հռիփսիմե Ստամբուլյանը վայր է դնում պատգամավորական մանդատը։ Այդ մասին պատգամավորը հայտնել է ֆեյսբուքյան իր պաշտոնական էջում։

Նա, մասնավորապես, գրել է. «Այսօր ՀՀ ԱԺ պատգամավորական մանդատից հրաժարվելու դիմում եմ ներկայացրել:

Շուրջ մեկ ու կես տարվա խորհրդարանական աշխատանքով փորձել եմ մասնագիտական ունակություններս ու աշխատանքային կարողություններս ծառայեցնել ի շահ հայրենիքի և միայն հայրենիքի:

Անշուշտ, եղել են նաև թերացումներ և ձախողումներ, որոնք ստեղծված իրողությունների պայմաններում միշտ չէ, որ բխել են մեր աշխատանքից:

Շնորհակալություն եմ հայտնում հանրապետության երկրորդ նախագահ Ռոբերտ Քոչարյանին և «Հայաստան» դաշինքի իմ գործընկերներին` մաղթելով հաջողություններ խորհրդարանական աշխատանքի հետագա ընթացքում:

Ներողություն եմ խնդրում վստահության քվե տված բոլոր այն քաղաքացիներից, ում հույսերն օբյեկտիվ կամ սուբյեկտիվ պատճառներով չարդարացվեցին:

Ստեղծված իրավիճակն անհամատեղելի է մասնագիտական գործունեության վերաբերյալ իմ մոտեցումների և գոյություն ունեցող խնդիրների լուծման նկատմամբ ունեցածս պատասխանատվության հետ:

Հետագա գործունեությանս մեջ շարունակելու եմ հավատարիմ մնալ իմ սկզբունքներին և գաղափարներին՝ անկախ կարգավիճակից` իմ հետագա աշխատանքի մեջ գերակա պահելով հայրենիքի շահը»:

Նշենք, որ Հռիփսիմե Ստամբուլյանը 2005թ. ավարտել է Երևանի Վ.Բրյուսովի անվան պետական լեզվահասարակագիտական համալսարանը` անգլերենի մասնագետի և քաղաքագետի որակավորումով։ Երկար տարիներ գործարարությամբ է զբաղվել։ Հիմնադրել է «Անռիվա-Տրանս» միջազգային բեռնափոխադրումների ընկերությունը, «Անռիվա-Տուր» տուրօպերատորը, «Անռիվա-Ռիելթի» անշարժ գույքի կազմակերպությունը, «Քորդոբա» ՍՊԸ-ն:

2021թ. հունիսի 20-ին ԱԺ պատգամավոր է ընտրվել «Հայաստան» կուսակցությունների դաշինքի համապետական ընտրական ցուցակով:

Հավելենք, որ պատգամավորական մանդատը վայր դնելու մասին օրեր առաջ հայտարարեց նաեւ «Հայաստան» դաշինքի պատգամավոր Արամ Վարդևանյանը։

Այսօր ներկայացնելու եմ պատգամավորի մանդատից հրաժարվելու իմ դիմումը. Արամ Վարդեւանյան

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հրապարակ». Ինչում են մեղադրում Սեյրան Օհանյանին
Հիշեցնենք, որ 44-օրյա պատերազմից հետո ԱԱԾ-ում հարուցվեց գործ՝ ռազմամթերքի ձեռքբերման գործընթացում...
«Ժողովուրդ». ՔՊ-ական պատգամավորների օգնականները պարգևավճար են պահանջում. ՔՊ-ում լուրջ բախումներ են սկսվել
Նկատենք, որ ՔՊ-ական պատգամավորների օգնականները պահանջում են պարգեւավճար, որն օրենքով չի հասնում...
Մենք ասում ենք՝ ով դավաճանել է երկիրը, հանձնել է հողերը, չպետք է մտնի «Եռաբլուր». Զոհվածների ծնողները Եռաբլուրում են
Դուք տեսեք ոստիկանական ուժերը «Եռաբլուրում», եթե սենց ես գալու գնաս, քո երկրում գողի նման պետք է ման գաս, է ման արի...
Մեր երկրում ոստիկան չկա, բոլորը Նիկոլի ու Աննայի  անձնական տրյապկաներն են. Գարիկ Գալեյան
Ռազմական ոստիկանությունն ի՞նչ գործ ունի այստեղ, եթե նրանք եկել են անողնաշարի պես փորձում են պաշտպանել մի մարդու, որը բանակը քանդում է...
Նիկոլ Փաշինյանի այցին ընդառաջ աննախադեպ ոստիկանական ուժեր են կենտրոնացվել «Եռաբլուրում»
Նշենք, որ այստեղ են նաեւ զոհված զինծառայողների ծնողները, որոնք կանգնած են...
«Հրապարակ». Վահան Կոստանյանը համակարգելու է Թուրքիայի ուղղությունը
Ի դեպ, ԱԳՆ-ին մոտ կանգնած մեր աղբյուրների փոխանցմամբ՝ առաջիկայում դիվանագիտական աշխատանքի...
Ամենաշատ