News
Լրահոս
News
Ուրբաթ
Հունվար 27
USD
395.53
EUR
393.43
RUB
6.42
Տեսնել լրահոսը

ԱՄՆ նախագահ Ջո Բայդենի վարչակազմը զգուշորեն է արձագանքում Չինաստանում տեղի ունեցած բողոքի ցույցերին, ինչը մասամբ արտացոլում է Պեկինի հետ հարաբերությունները կայունացնելու ԱՄՆ ցանկությունը, գրում է Politico-ն։

Այս ամիս G-20-ի շրջանակում Բայդենը հանդիպել է Չինաստանի առաջնորդ Սի Ծինփինի հետ՝ փորձելով թուլացնել լարվածությունը, իսկ բողոքի ցույցերի վերաբերյալ որեւէ հայտարարություն չի արել։

ԱՄՆ պետքարտուղար Էնթոնի Բլինքենը եւ ազգային անվտանգության հարցերով խորհրդական Ջեյք Սալիվանը նույնպես խուսափել են մեկնաբանություններից։

Սպիտակ տան Ազգային անվտանգության խորհրդի ռազմավարական հաղորդակցությունների տնօրեն Ջոն Քիրբին հայտարարել է, որ նախագահը տեղեկացված է եղել Չինաստանում տեղի ունեցած իրադարձություններից։ Քիրբին հավելել է, որ Բայդենը նախազգուշացրել է, որ աշխարհի ժողովրդավարությունները բախվում են ավտոկրատ շարժումների կողմից մարտահրավերների։

Բայդենի օգնականները քաջ գիտակցում են, որ բողոքի ցույցերը կարող են անկանխատեսելի լինել։  

Այս հարցին ծանոթ ամերիկացի պաշտոնյան, որը, ինչպես եւ այս հոդվածի մյուս մասնակիցները, խոսել են անանունության պայմանով, ասել է, որ Բայդենի վարչակազմը պետք է հաշվի առներ մի շարք գործոններ, երբ որոշում կայացներ, թե ինչպես արձագանքել այս բողոքներին։ Օրինակ ՝ ԱՄՆ-ի կտրուկ հայտարարությունը կարող է ստիպել Չինաստանի կառավարությանը ուշադրությունը սեւեռել Միացյալ Նահանգների վրա եւ մեղադրել նրանց օտարերկրյա միջամտության մեջ՝ ցուցարարների դժգոհությանը պատասխանելու փոխարեն: 

Այնուամենայնիվ, ԱՄՆ կառավարության պաշտոնյաները ուշադիր հետեւում են Չինաստանում տեղի ունեցող զարգացումներին, ներառյալ, թե ինչպես է կառավարությունը վերաբերվում բողոքի ցույցերը լուսաբանող լրագրողներին, եւ պարբերաբար միջգերատեսչական քննարկումներ են անցկացնում այն մասին, թե ինչպես արձագանքել, ասել է  ամերիկացի պաշտոնյան: 

 

!
Այս նյութը հասանելի է նաև   English and Русский
Տպել
Ամենաշատ