Ադրբեջանի անվանումը պետք է հնչի որպես Հյուսիսային Ադրբեջան։ Այս մասին այսօր միլի մեջլիսի նիստում հայտարարել է պատգամավոր Գուդրեթ Գասանգուլիեւը, հաղորդում են ադրբեջանական լրատվամիջոցները։
«Ադրբեջանում պետականաշինության ուղղությամբ ձեռնարկվող քայլերը անհրաժեշտ են դարձնում նոր Սահմանադրության ընդունումը։ Առաջին քայլը, որը մենք կձեռնարկենք, պետք է լինի Ադրբեջանի վերանվանումը։ Ճիշտ այնպես, ինչպես մյուս առանձին ժողովուրդների անվանումներում կան Հյուսիսային եւ Հարավային արտահայտությունները։ Կարծում եմ, դա նույնպես խթան կդառնա Հարավային Ադրբեջանից հայրենակիցների համար», -ասել է Գասանգուլիեւը՝ նկատի ունենալով Իրանը։
Հիշեցնենք, որ այսօր մեկ այլ ադրբեջանցի պատգամավոր խոսել էր «արեւմտյան» Ադրբեջանի մասին՝ նկատի ունենալով Հայաստանի տարածքը։
