News
Լրահոս
News
Չորեքշաբթի
Փետրվար 08
USD
395.53
EUR
393.43
RUB
6.42
Տեսնել լրահոսը

Եվրահանձնաժողովն առաջարկել է սառեցված ռուսական ակտիվների բռնագրավման պլան։

«Մենք արգելափակել ենք Ռուսաստանի Կենտրոնական բանկի 300 մլրդ եվրոյի ռեզերվները եւ սառեցրել ռուս օլիգարխներին պատկանող 19 մլն եվրո գումարը»,- ասել է Եվրահանձնաժողովի ղեկավար Ուրսուլա ֆոն դեր Լյայենը, տեղեկացրել է DW-ն։

Նրա խոսքով՝ առաջիկայում ԵՄ-ը եւ նրա գործընկերները կարող էին իրենց վրա վերցնել այդ միջոցների կառավարումը եւ դրանց ներդրումավորումը։ Ստացված միջոցները կուղղվեն Ուկրաինա, որպեսզի փոխհատուցվի երկրին հասցված վնասը։ «Որպեսզի սա հնարավոր դառնա, մենք կաշխատենք մեր գործընկերների հետ միջազգային համաձայնագրի կնքման ուղղությամբ։ Եվ մենք միասին կկարողանանք գտնել դրա իրականացման օրինական ճանապարհը»,- ընդգծել է ֆոն դեր Լյայենը։

«Ուկրաինա Ռուսաստանի ներխուժումը հանգեցրել է մահերի, ավերածությունների եւ անասելի տառապանքների։ Մենք բոլորս հիշում ենք Բուչայի սարսափները։ Նախ՝ Ռուսաստանը պետք է վճարի իր ահավոր հանցագործությունների, այդ թվում ինքնիշխան պետության դեմ ագրեսիայի համար։ Հենց դրա համար էլ, սատարելով Միջազգային քրեական դատարանին, մենք առաջարկում ենք ՄԱԿ աջակցությամբ ստեղծել մասնագիտացված դատարան՝ Ռուսաստանի ագրեսիան հետաքննելու եւ դատական հետապնդման ենթարկելու համար։ Մենք պատրաստ ենք սկսել աշխատանքը միջազգային հանրության հետ, որպեսզի հասնենք այդ մասնագիտացված դատարանին ցուցաբերվելիք առավելագույն լայն միջազգային աջակցության»,- ասել է նա։

Երկրորդ՝ Եվրահանձնաժողովի ղեկավարի խոսքով՝  Ռուսաստանը պետք է նաեւ ֆինանսապես վճարի այն ավերածությունների համար, որոնք կատարել է։ Ուկրաինայի կրած վնասը գնահատվում է 600 մլրդ եվրո։ Ռուսաստանը եւ նրա օլիգարխները  պետք է փոխհատուցեն վնասն Ուկրաինային եւ փակեն երկրի վերականգնման ծախսերը. «Եվ մենք ռեսուրսներ ունենք, որպեսզի ստիպենք Ռուսաստանին վճարել իր գործողությունների համար»։

Նա շեշտել է, որ ԵՄ-ն առաջարկում է ՄԱԿ աջակցությամբ ստեղծել մասնագիտացված դատարան՝ ռուսական ագրեսիայի հանցագործությունները հետաքննելու եւ մեղավորներին պատժելու համար։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Նիդեռլանդները, Դանիան եւ Գերմանիան 100 Leopard-1A5 մարտական տանկ կգնեն Ուկրաինայի համար
Նիդեռլանդների պաշտպանության նախարարությունը հայտարարել է, որ տանկերը կգնվեն «անմիջապես գերմանական արդյունաբերությունից»․․․
Գերմանիայի կառավարությունը հաստատել է 178 Leopard 1 տանկերի մատակարարումը Ուկրաինային
Դրանցից մի քանիսը կառաքվեն ամռանը, սակայն տանկերի հիմնական մասը կառաքվի հաջորդ տարի․․․
ԵՄ-ում սկանդալ է ծագել Բրյուսել Զելենսկու հնարավոր այցի մասին տեղեկատվության արտահոսքից հետո. The Guardian
Առանձին-առանձին ԵՄ դիվանագետները հայտնել են, որ Միշելը եւ Եվրահանձնաժողովի ղեկավար Ուրսուլա ֆոն դեր Լյայենը աջակցություն են ցուցաբերում Ուկրաինային․․․
Հատուկ գործողությունը կավարտվի մինչեւ տարեվերջ․ Կադիրով
Արեւմուտքը ծնկի կիջնի․․․
Ուկրաինայում երեք ամսով երկարացրել են ռազմական դրությունը եւ համընդհանուր զորահավաքը
Ուկրաինայում 90 օրով երկարացրել են ռազմական դրությունը եւ զորահավաքը...
Ռադան Մալյուկին նշանակել է Ուկրաինայի Անվտանգության ծառայության ղեկավար
Զելենսկին ժողովրդական պատգամավորներին կոչ է արել քվեարկել Վասիլի Մալյուկի օգտին․․․
Ամենաշատ