News
Լրահոս
News
Ուրբաթ
Հունվար 27
USD
395.53
EUR
393.43
RUB
6.42
Տեսնել լրահոսը

Նոյեմբերի 20-22-ը «ՀԱԷԿ» ՓԲԸ ղեկավարությունը՝ ի դեմս գլխավոր տնօրեն Է. Մարտիրոսյանի, մասնակցել է Սոչիում կայացած «Ատոմէքսպո 2022» միջազգային 12-րդ ֆորումին: ՀԱԷԿ-ի պատվիրակությունը մասնակցել է ցուցահանդեսի բացման արարողությանը, ֆորումի լիագումար նստաշրջանին, այցելել ցուցահանդեսային տաղավարներ, որտեղ ցուցադրվել են նոր տեխնոլոգիաներ ու սարքավորումներ, արծարծվել են ոլորտային մի շարք հարցերի նոր առաջարկներ ու լուծումներ: Առավել հետաքրքիր ցուցանմուշների վերաբերյալ ձեռք են բերվել տեխնիկական, տեխնոլոգիական և կոնտակտային տվյալներ՝ հետագա քննարկման և գնահատման համար: Այդ մասին ասված է Հայկական ատոմային էլեկտրակայանի Ֆեյսբուքի էջում:

«Ֆորումի շրջանակներում «Ռոսատոմ» պետկորպորացիայի գլխավոր տնօրեն Ա. Լիխաչովի հետ կայացած հանդիպման ընթացքում հատկապես կարևորվել է ատոմային ոլորտում հայ-ռուսական երկարամյա համագործակցության արդյունավետությունը, նախանշվել են ընդլայնման հեռանկարները:

«Ռուսատոմ սերվիս» ԲԸ ղեկավարության հետ քննարկվել են ՀԱԷԿ-ի երկրորդ էներգաբլոկի շահագործման ժամկետի երկարացման վերաբերյալ հարցեր. թեմայի շուրջ կողմերի դիրքորոշումների քննարկումն ու համաձայնեցումը, ըստ պայմանավորվածության, կշարունակվեն հետագա հանդիպումների ընթացքում:

Բավականին հագեցած ծրագրի շրջանակներում ՀԱԷԿ-ի ղեկավարները հանդիպել են նաև «Ռոսատոմ» պետկորպորացիայի գլխավոր տնօրենի տեղակալ Ն. Սպասկիի հետ և քննարկել ՀՀ-ում միջուկային նոր էներգաբլոկների հնարավոր կառուցման վերաբերյալ հարցեր:

 «ՀԱԷԿ» ՓԲԸ գլխավոր տնօրեն Է. Մարտիրոսյանը՝ որպես Շահագործող կազմակերպությունների համաշխարհային ասոցիացիայի (ՇԿՀԱ) մոսկովյան կենտրոնի կառավարիչների խորհրդի նախագահ, մասնակցել է ասոցիացիայի պլանային աշխատանքներին, իսկ «Ռոսէներգոատոմ Կոնցեռն» ԲԸ գլխավոր տնօրեն Ա. Պետրովի հետ կայացած աշխատանքային հանդիպմանը հանդես է եկել «ՇԿՀԱ-ի Կառավարիչների խորհրդի նախագահի դերի տեսլականը ընթացիկ փոփոխությունների և մարտահրավերների համատեքստում» զեկույցով:

Կազմակերպվել են նաև հանդիպումներ «ՏՎԷԼ» ԲԸ ղեկավարության հետ, համաձայնեցվել են մի շարք գործնական քայլեր, ձեռք են բերվել որոշակի պայմանավորվածություններ:

 «Ատոմէքսպո 2022» միջազգային 12-րդ ֆորումի շրջանակներում ավանդաբար անցկացվել են նաև երիտասարդական մի շարք միջոցառումներ, որոնց մասնակցել են Աֆրիկյան, Լատինամերիկյան և Ասիական մայրցամաքների շուրջ 10 երկրների տեխնոլոգիական ձեռնարկությունների, բուհերի,          հասարակական կազմակերպությունների ավելի քան 100 ներկայացուցիչներ՝ այդ թվում և ՀԱԷԿ-ից: BRICS (5 երկրների խումբ՝ Բրազիլիա, ՌԴ, Հնդկաստան, Չինաստան և Հարավաֆրիկյան Հանրապետություն) երիտասարդական էներգետիկական գործակալության հետ համատեղ իրականացված միջոցառումների ծրագիրը ևս բավականին հագեցած էր. ստեղծված աշխատանքային խմբերը քննարկել են առաջադրված ոլորտային խնդիրները, ներկայացրել դրանց հնարավոր լուծման իրենց տարբերակներն ու քայլերը: Արդյունքում մշակված նախագծերը ներկայացվել են «Ռոսատոմ» պետկորպորացիայի գլխավոր տնօրենի առաջին տեղակալ Կ. Կոմարովին և ոլորտային այլ բարձրաստիճան պաշտոնյաների, որոնք, ողջունելով և բարձր գնահատելով երիտասարդների մտահղացումներն ու նախաձեռնությունները, պատրաստակամություն են հայտնել հնարավորինս աջակցել ներկայացված նախագծերի կյանքի կոչմանն ու իրականացմանը:

Ֆորումի շրջանակներում երիտասարդական թևի ներկայացուցիչներն առաջինը հնարավորություն ստացան դիտելու ամերիկացի ռեժիսոր Օլիվեր Սթոունի «Ատոմ» վավերագրական ֆիլմը, որտեղ հանգամանալից վերլուծությամբ ներկայացվում են ածխաթթու գազի արտանետումների մեծ ծավալների պատճառած վնասներն ու հետևանքները և ընդգծվում է միջուկային էներգետիկայի կարևորագույն դերը գլոբալ աղետի կանխման հարցում»,- նշված է գրառման մեջ:

Տպել
Կարդացեք նաև
Ամբողջը
Զարեհ Սինանյանն աշխատանքային այցով Ռուսաստանում է
Պայմանավորվածություն ձեռք բերվեց, որ երիտասարդները համաժողովի նախագծային տարբերակին ծանոթանալուց հետո կներկայացնեն իրենց...
Վահան Քերոբյանը 2 օրով մեկնում է Մոսկվա
Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը...
Ռուսական կողմը մտահոգ է ԼՂ-ում ստեղծված իրավիճակով և քայլեր է ձեռնարկում կոնֆլիկտի լուծման ուղղությամբ. ՌԴ դեսպան
Նախարար Ժաննա Անդրեասյանն ընդունել է ՀՀ-ում ՌԴ արտակարգ և լիազոր դեսպան Սերգեյ Կոպիրկինին...
Նեդ Փրայսը ճեպազրույցում զերծ է մնացել հայ-ռուսական հարաբերությունների վերաբերյալ մեկնաբանություններից
Ես կցանկանայի հարցը վերահասցեագրել Հայաստանի կառավարությանը․․․
Երեւանի հայտարարությունը, թե ՌԴ-ն սպառնալիք է ստեղծում Հայաստանի անվտանգության համար, անհեթեթ է․ Զախարովա
Մենք տրամադրված ենք հետագայում նույնպես ամրապնդելու ինչպես երկկողմ հարաբերությունները․․․
Ամենայն Հայոց Կաթողիկոսին հանձնվեց Ռուսաստանի Դաշնության Պատվո շքանշանը
Արարողությանը ներկա էին Գերագույն հոգևոր խորհրդի անդամներ, հայաստանյան թեմերի առաջնորդներ…
Ամենաշատ