News
Լրահոս
News
Ուրբաթ
Մարտ 29
Տեսնել լրահոսը

Հայաստանի կառավարությունում կարծում են, որ ապրանքների տեղափոխմամբ զբաղվող ընկերությունները եւ իրավաբանական անձինք իրենց տրամադրության տակ գտնվող փոխադրամիջոցների գերբեռնվածության դեպքում պետք է տուգանք վճարեն ավելորդ յուրաքանչյուր տոննայի համար։ Այս մասին Ազգային ժողովում, տնտեսական հարցերի խորհրդարանական մշտական հանձնաժողովի նիստում, Վարչական իրավախախտումների օրենսգրքում փոփոխություններ եւ լրացումներ կատարելու մասին օրինագծի քննարկման ժամանակ, նոյեմբերի 30-ին ասել է հանրապետության վարչապետի աշխատակազմի տեսչական մարմինների աշխատանքի համակարգման գրասենյակի պետի պաշտոնակատար Արմեն Դանիելյանը։

Տուգանքը, նրա խոսքով, կգանձվի միայն որոշակի դեպքերում։ Օրինակ, եթե բեռնատար փոխադրամիջոցները հայտնվեն հանրապետական նշանակության ճանապարհներին կամ մայրուղիներին։ «Այսպիսի տուգանային մեխանիզմ հանրապետությունում արդեն կա եւ հաջողությամբ կիրառվում է։ Բայց վերոնշյալ տուգանքը սահմանվում է առանց կոնկրետ տրանսպորտային միջոցի գերբեռնվածության հաշվառման։ Այսինքն՝ քաշը տեսչական մարմինների աշխատակիցների կողմից հաշվի չի առնվում, եւ կարգախախտը հետագայում կարող է էապես գերազանցել օրենսդրությամբ գործող նշված շեմը՝ միայն միանվագ տուգանք վճարելով»,- պարզաբանել է Դանիելյանը։

Իսկ այժմ առաջարկվում է սահմանել տուգանք յուրաքանչյուր ավելորդ տոննայի համար։ Տուգանքը կլինի բավական մեծ։ Այն կկազմի 200 հազար դրամ յուրաքանչյուր տոննայի համար։ «Այսօրվա դրությամբ այս գումարը վճարվում է՝ առանց հաշվի առնելու թույլ տրված խախտման մակարդակը»,- նշել է կառավարության ներկայացուցիչը։

Օրենսդրության խստացումը, նրա հավաստիացմամբ, թույլ կտա պատշաճ մակարդակի պահել հանրապետական նշանակության ճանապարհների ասֆալտածածկի որակը՝ խուսափելով դրանց արագ մաշվելուց։

Բավական երկար քննարկումներից հետո օրենսդրական նախաձեռնությունն ստացել է խորհրդարանական մշտական հանձնաժողովի դրական եզրակացությունը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Առցանց անմաքս առևտրի շեմը ենթարկվել է փոփոխության. 2024-ի ապրիլի 1-ից կսահմանվի 200 եվրո և 31 կգ. ՊԵԿ
Նախկին 200 հազար դրամ և 31 կգ արտոնության փոխարեն սահմանվել է...
Այսօր աշխատանքից ազատվելու դիմում եմ ներկայացրել․ «Երևան ավտոբուս» ՓԲԸ տնօրեն
Շնորհավորում եմ նոր տնօրենին պաշտոնին նշանակվելու կապակցությամբ, մաղթում եմ միայն նոր հաջողություններ և արդյունավետ ու կառուցողական...
Հայտնի են ձվի արտադրության եւ իրացման շուկայի վերահսկողության միջանկյալ արդյունքները
Վերահսկողական միջոցառումներն այսօր դեռ շարունակվում են, ափոփ արդյունքները կներկայացվեն լրացուցիչ հաղորդագրությամբ...
Փորձել են օդային ճանապարհով ՀՀ ներմուծել առանց հայտարարագրման 40 բջջային հեռախոս. ՊԵԿ
Վարչական վարույթի հետագա ընթացքն ապահովելու համար՝ նյութերն ուղարկվել...
Գևորգ Պապոյանը Կորեայի ԱԳ փոխնախարարին է ներկայացրել Հայաստանի ներդրումային հնարավորությունները
Հանդիպման ընթացքում կողմերը կարևորել են Հայաստանի և Կորեայի միջև...
«Իրավունք». Ո՞ր դեղերը չեն մտնի էլեկտրոնային դեղատոմսերով վաճառվողների ցանկ
ՀՀ առողջապահության նախարարության Դեղորայքային քաղաքականության եւ բժշկական տեխնոլոգիաների...
Ամենաշատ