ՆԱՏՕ-ն Չինաստանին չի դիտարկում որպես հակառակորդ եւ կշարունակի համագործակցել Պեկինի հետ, «երբ դա բխի ՆԱՏՕ-ի շահերից»։ Այս մասին հայտարարել է դաշինքի գլխավոր քարտուղար Յենս Սթոլթենբերգը Բուխարեստում ՆԱՏՕ-ի անդամ երկրների ԱԳ նախարարների հանդիպումից հետո։
«Այսօր նախարարները քննարկել են Չինաստանի հավակնոտ ռազմական զարգացումները, նրա տեխնոլոգիական նվաճումները եւ աճող կիբեռ- եւ հիբրիդային գործունեությունը: Ուկրաինայի պատերազմը ցույց տվեց մեր վտանգավոր կախվածությունը ռուսական գազից: Մենք, իհարկե, կշարունակենք առեւտուր անել եւ տնտեսապես համագործակցել Չինաստանի հետ, բայց մենք պետք է գիտակցենք մեր կախվածությունները, նվազեցնենք մեր խոցելիությունը եւ կառավարենք ռիսկերը»,-ասել է նա։