Գերմանիայի արտգործնախարար Աննալենա Բերբեքը Թուրքիային կոչ է արել զերծ մնալ Հյուսիսային Սիրիա ցամաքային ներխուժումից եւ Հյուսիսային Իրաքում ռազմական հարվածներից։
«Ես կոչ եմ արել Թուրքիային ձեռնպահ մնալ այնպիսի միջոցներից, որոնք կարող են հանգեցնել բռնության հետագա սրման, ինչպես, օրինակ, ցամաքային ներխուժումը Հյուսիսային Սիրիա կամ ռազմական գործողությունները Հյուսիսային Իրաքում»,-ասել է նա, հաղորդում Է Reuters-ը։
Դամասկոսը հայտարարել է, որ թուրքական ցանկացած նոր ներխուժում կդիտարկի որպես «ռազմական հանցագործություն»։
